MNDAA သိမ်းပိုက်ထားတဲ့ လားရှိုးမြို့ မြင်ကွင်းများ

• RFA Burmese
  2024-08-24

၁၀၂၇ စစ်ဆင်ရေး ဒုတိယပိုင်းမှာ ကိုးကန့်တပ်မတော် (MNDAA) က တိုက်ခိုက်သိမ်းပိုက်ထားတဲ့ ရှမ်းပြည်နယ်မြောက်ပိုင်း လားရှိုးမြို့အတွင်းမှာ တိုက်ပွဲကြောင့် နေရပ်စွန့်ခွာခဲ့ရတဲ့ မြို့ခံတချို့ နေရပ်ပြန်လာနေကြပါတယ်။

မန်ဆူဘုရားအနီးနဲ့ သိန္နီလမ်းကြီး၊ ဘူတာစျေး စတဲ့ နေရာတွေမှာတော့ မနက်ခင်းပိုင်း စျေးရောင်းချသူတွေနဲ့ ပြန်လည်စည်ကားနေပါတယ်။ မြို့အတွင်းပိုင်းက အထပ်မြင့်တိုက်တွေမှာ လက်နက်ထိမှန် ပျက်စီးထားတာကို တွေ့ရပါတယ်။

တိုက်ပွဲပြင်းထန်ခဲ့တဲ့ စစ်ကောင်စီတပ်စခန်းတွေမှာ အဆောက်အအုံတွေ ပျက်စီးနေသလို လမ်းမအချို့မှာလည်း စစ်ကောင်စီ ယာဉ်အချို့ ပျက်စီးနေတာကို တွေ့ရပါတယ်။ ရပ်ကွက်အလိုက် အုပ်ချုပ်ရေးမှူးတွေကို MNDAA ခန့်ထားပြီး ဖုန်းနဲ့ အင်တာနက် ဆက်သွယ်ရေးစနစ်တွေရအောင် ဆောင်ရွက်ပေးနေပါတယ်။

ရပ်ကွက်တချို့မှာ MPT နဲ့ Mytel ဖုန်းလိုင်းတချို့ အသုံးပြုလို့ရနေပြီဖြစ်ပေမဲ့ လျှပ်စစ်မီးကတော့ မရရှိသေးပါဘူး။