ရန်ကုန်မြို့က ဟိန္ဒူရိုးရာ ဓားတက်ပူဇော်ပွဲ

ဟိန္ဒူရိုးရာ ဓားတက်ပူဇော်ပွဲကို ရန်ကုန်၊ မင်္ဂလာတောင်ညွန့်မြို့နယ် စရီမဟာမူနီ(စ်)ဝရရ် ဘုရားကျောင်းမှာ မတ်လ ၃ ရက်နေ့က ကျင်းပခဲ့တာ ဖြစ်ပါတယ်။

ဟိန္ဒူဘာသာဝင် တမီးလ်လူမျိုးတွေဟာ တမီးလ်ပြက္ခဒိန်ရဲ့ ဆယ်လမြောက်ဖြစ်တဲ့ ဖေဖော်ဝါရီလကုန်ပိုင်းဝန်းကျင်လောက်မှာ ဒီပွဲကို ဆင်နွှဲလေ့ရှိကြပါတယ်။

သျှီဗားရဲ့ကိုယ်ပွားတော်ဖြစ်တဲ့ မဟာမူနီး(စ်)ဝရရ်ကို ပူဇော်တဲ့အနေနဲ့ ထက်နေအောင်သွေးထားတဲ့ ဓားသွားပေါ်မှာ ခြေဗလာနဲ့ တက်ကြတာဖြစ်ပါတယ်။

ကျန်းမာရေးကောင်းအောင်၊ စီးပွားလာဘ်လာဘတိုးအောင်၊ အန္တရာယ်ကင်းအောင်ဆိုတဲ့ ယုံကြည်ချက်တွေနဲ့ ပူဇော်ကြတာဖြစ်ပါတယ်။

မြန်မာနိုင်ငံတစ်ဝန်းက ဟိန္ဒူဘာသာဝင်တွေဟာ တမီးလ်ပြက္ခဒိန် ဆယ်လမြောက်လမှာ ဓားတက်တာအပြင်၊ မီးနင်းတာ၊ အပ်စိုက်တာ၊ ဥပုသ်စောင့်တာတွေ လုပ်လေ့ရှိပါတယ်။