ပဲခူးမြို့က ရေပြန်ကျသွားတဲ့ မြင်ကွင်းများ
ရေကြီးရေလျှံဖြစ်နေသည့် ပဲခူးတိုင်း ပဲခူးမြို့တွင် ရေပြန်ကျသွားသည်ကို ၂၀၂၃ ခုနှစ် အောက်တိုဘာလ ၁၃ ရက်တွေ့ရစဉ်။
RFA
ရေကြီးရေလျှံဖြစ်နေတဲ့ ပဲခူးတိုင်း ပဲခူးမြို့က ရေပြန်ကျသွားတဲ့ လက်ရှိအခြေအနေတွေကို အောက်တိုဘာလ ၁၃ ရက်နေ့မှာ တွေ့ရတဲ့မြင်ကွင်းတွေဖြစ်ပါတယ်။
ရေပြန်ကျသွားပေမယ့် ရေဘေးသင့်ပြည်သူတွေ ဝမ်းပျက်တာ၊ ဆီးချုပ်၊ ဝမ်းချုပ်ဖြစ်တာ၊ နှာစေးချောင်းဆိုးနဲ့ ရေဝဲ၊ သဲဝဲစားတာစတဲ့ နောက်ဆက်တွဲ ကျန်းမာရေးပြဿနာတွေကို ရင်ဆိုင်နေရတယ်လို့ ပဲခူးမြို့ခံတွေက ပြောပါတယ်။
ပဲခူးတိုင်းမှာ မိုးရွာသွန်းမှုများပြီး ပဲခူးမြစ်ရေကြီးတာကြောင့် အောက်တိုဘာလ ၈ ရက်နေ့ကစလို့ ရေကြီးရေလျှံမှုတွေ ဖြစ်ခဲ့တာပါ။
ရန်ကုန်တိုင်း လှည်းကူးမြို့နယ် အင်းတိုင်ရွာအနီးက အမှတ် (၂) ရန်ကုန်-ပဲခူးသွားလမ်းမပေါ်မှာ ရေကျော်နေလို့ မော်တော်ယာဉ်တွေ သွားရေး၊ လာရေး ခက်ခဲနေတာကို အောက်တိုဘာလ ၁၃ ရက် မနက်ပိုင်းက မြင်တွေ့ရတာပါ။
စစ်ကောင်စီ မိုးလေဝသနဲ့ ဇလဗေဒညွှန်ကြားမှု ဦးစီးဌာန ညွှန်ကြားရေးမှူး ဦးလှထွန်းကလည်း မုတ်သုံရာသီ ထွက်ခွာခါနီးဖြစ်တာကြောင့် အခုလို မိုးသည်းသည်းထန်ထန် ရွာသွန်းတာဖြစ်ပြီး မြစ်ဝကျွန်းပေါ်ဒေသက မြေနိမ့်ပိုင်းနေထိုင်သူတွေ သတိထားကြဖို့ အောက်တိုဘာ ၈ ရက်နေ့က RFA ကို ပြောဆိုထားပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို