သီတင်းကျွတ်ပွဲတော်ရက် ပုဂံဘုရားမြင်ကွင်းများ

မန္တလေးတိုင်း ညောင်ဦးမြို့နယ် ပုဂံရှေးဟောင်းယဉ်ကျေးမှုနယ်မြေက ဘုရားတွေမှာ သီတင်းကျွတ် ဆီမီးထွန်းညှိပူဇော်တာတွေကို အောက်တိုဘာလ ၂၈ ရက် (သီတင်းကျွတ်လဆန်း ၁၄ ရက်) နေ့ညက တွေ့မြင်ရပါတယ်။

အာနန္ဒာဘုရားနဲ့ ခေမင်္ဂဘုရားအစုတွေမှာ ဘုရားဖူးပြည်သူတွေ၊ ဆီမီးပူဇော်နေကြသူတွေနဲ့ စည်ကားနေတာလည်း တွေ့ရပါတယ်။

ဗုဒ္ဓဘာသာဝင်တို့ရဲ့ အစဉ်အလာအရ ဝါတွင်းသုံးလ ကျော်လွန်ပြီးနောက် သီတင်းဝါကျွတ်ကာလမှာ ဘုရားတွေမှာ ဆီမီးထွန်းညှိပူဇော်တာ၊ သက်ကြီး ရွယ်ကြီး မိဘ၊ ဆရာ၊ လူကြီးသူမတွေကို ကန့်တော့တာတွေကို နှစ်စဉ် ကျင်းပလေ့ရှိပါတယ်။