ငြိမ်းချမ်းရေးကော်မရှင်နဲ့ မြောက်ပိုင်းမဟာမိတ်သုံးဖွဲ့ ဆွေးနွေးပွဲ
မြောက်ပိုင်းဒေသမှာ တပ်မတော်နဲ့ တိုင်းရင်းသား လက်နက်ကိုင်အဖွဲ့တွေအကြား ဖြစ်ပွားနေတဲ့ တိုက်ပွဲတွေကို လက်တွေ့ကျကျ လျှော့ချနိုင်ရေးနဲ့ နောက်ပိုင်းဆွေးနွေးပွဲတွေမှာ KIA အပါအဝင် လေးဖွဲ့လုံးနဲ့ တွေ့ဆုံနိုင်ဖို့ အစိုးရငြိမ်းချမ်းရေး ကော်မရှင်နဲ့ TNLA ၊ AA ကိုးကန့်အဖွဲ့တို့ ဒီနေ့ တရုတ်နိုင်ငံ ကူမင်းမြို့ တွေ့ဆုံဆွေးနွေးပွဲမှာ သဘောတူညီချက်ရခဲ့ပါတယ်။
-
2018-10-31 -
-
-
Your browser doesn’t support HTML5 audio
မြောက်ပိုင်းဒေသမှာ တပ်မတော်နဲ့ တိုင်းရင်းသား လက်နက်ကိုင်အဖွဲ့တွေအကြား ဖြစ်ပွားနေတဲ့ တိုက်ပွဲတွေကို လက်တွေ့ကျကျ လျှော့ချနိုင်ရေးနဲ့ နောက်ပိုင်းဆွေးနွေးပွဲတွေမှာ KIA အပါအဝင် လေးဖွဲ့လုံးနဲ့ တွေ့ဆုံနိုင်ဖို့ အစိုးရငြိမ်းချမ်းရေး ကော်မရှင်နဲ့ TNLA ၊ AA ကိုးကန့်အဖွဲ့တို့ ဒီနေ့ တရုတ်နိုင်ငံ ကူမင်းမြို့ တွေ့ဆုံဆွေးနွေးပွဲမှာ သဘောတူညီချက်ရခဲ့ပါတယ်။
RFA သတင်းထောက် ကိုသီဟထွန်း တင်ပြထားပါတယ်။
```````````````````````````
တရုတ်နိုင်ငံ ကူမင်းမြို့မှာ ဒီနေ့ကျင်းပတဲ့ ဆွေးနွေးပွဲကို အစိုးရ ငြိမ်းချမ်းရေးကော်မရှင်က ဒုတိယဥက္ကဋ္ဌ ဦးသိန်းဇော်နဲ့ အတွင်းရေးမှူး အငြိမ်းစား ဒုတိယဗိုလ်ချုပ်ကြီး ခင်ဇော်ဦး ၊ TNLA အဖွဲ့က အထွေထွေအတွင်းရေးမှူး ဗိုလ်မှူးချုပ် တာဘုန်းကျော်၊ အတွင်းရေးမှူး ၂ တာပန်လှ၊ AA အဖွဲ့က ဒေါက်တာ ညိုထွန်းအောင်၊ ကိုးကန့်က ဒုဥက္က ဋ္ဌ ရန်ဝေကျုံး တို့ ဦးဆောင်တက်ရောက်ကြပါတယ်။
ဒါ့အပြင် UWSA “ဝ” နဲ့ KIA အဖွဲ့က ကိုယ်စားလှယ်တွေလည်း သက်သေအဖြစ် တက်ရောက်ခဲ့တယ်လို့ သိရပါတယ်။
တပ်မတော်နဲ့ တိုင်းရင်းသား လက်နက်ကိုင်အဖွဲ့တွေကြား ဖြစ်ပွားနေတဲ့ တိုက်ပွဲတွေကို လက်တွေ့ကျကျ လျော့ချနိုင်ရေးနဲ့ နောက်ပိုင်းမှာ KIA အပါအဝင် မြောက်ပိုင်းက ၄ ဖွဲ့လုံးနဲ့ တွေ့ဆုံနိုင်ဖို့ အစိုးရငြိမ်းချမ်းရေးကော် မရှင်နဲ့ TNLA ၊ AA နဲ့ ကိုးကန့် MNDAA အဖွဲ့တို့ ဒီနေ့ ဆွေးနွေးပွဲမှာ သဘောတူညီချက်ရခဲ့ပါတယ်။
ဒီဆွေးနွေးပွဲနဲ့ ပတ်သက်လို့ အစိုးရ ငြိမ်းချမ်းရေး ကော်မရှင် တာဝန်ရှိသူတွေကို RFA က ဆက်သွယ်မေးမြန်းခဲ့ပေမယ့် ဆက်သွယ်လို့ မရခဲ့ပါဘူး ။
တဆက်ထဲမှာပဲ တရုတ်အစိုးရရဲ့ အာရှရေးရာ အထူးကိုယ်စားလှယ် မစ္စတာ ဆွန်ကော်ရှန်းဟာ မနေ့က ကူမင်းမြို့မှာ TNLA ၊ AA နဲ့ ကိုးကန့်အဖွဲ့တို့ နဲ့တွေ့ဆုံပြီး မြန်မာအစိုးရတပ်နဲ့ မြောက်ပိုင်းက တိုင်းရင်းသား လက်နက်ကိုင်အဖွဲ့တွေကြား တိုက်ပွဲတွေ လျော့ချနိုင်ရေး ဆွေးနွေးခဲ့တယ်လို့ သိရပါတယ်ခင်ဗျာ။