ပြည်တွင်းပြည်ပအခက်အခဲများ ဖြေရှင်းဖို့ နိုင်ငံရေး အကြံပေးပုဂ္ဂိုလ် ပြောကြား

• 
  2011-04-27

သမတအကြံပေးအဖွဲ့ဝင်တွေ ရွေးချယ်ခဲ့တာနဲ့ ပတ်သက်လို့ ဖြစ်လာနိုင်တဲ့ ပြည်တွင်းပြည်ပ အတိုက်အခံ နိုင်ငံအဖွဲ့အစည်းတွေအပေါ် နိုင်ငံရေးသဘောထား၊ အမျိုးသား ပြန်လည်သင့်မြတ်ရေး ဖြေရှင်းနိုင်မှု ရှိမရှိ စတာတွေနဲ့ ပတ်သက်ပြီး RFA က ဆက်သွယ် မေးမြန်းရာမှာ အခုလို ပြောတာဖြစ်ပါတယ်။

ဦးနေဇင်လတ်က သမတထံ အကြံပြုမဲ့ အသေးစိတ်အချက်တွေကို ထုတ်ဖော် ပြောဆိုခြင်း မပြုပေမဲ့ အခုအစိုးရအဖွဲ့သစ် လက်ထက်မှာ တာဝန်ယူမှု (Accountability) အခြေအနေ ကောင်းမွန်လာပြီး နိုင်ငံတကာ ဖိအားတွေ လျော့ကျလာဖွယ် ရှိတယ်လို့ ပြောပါတယ်။

သမတ ဦးသိန်းစိန်ရဲ့ ၉ ဦးပါ အကြံပေးအဖွဲ့ဝင်တွေအဖြစ် နိုင်ငံရေးကဏ္ဍမှာ စာရေးဆရာနဲ့ သုတေသီတွေ ဖြစ်တဲ့ ဦးကိုကိုလှိုင်၊ ဒေါက်တာ ဦးနေဇင်လတ်နဲ့ ဦးရဲတင့်တို့ ပါဝင်ပြီး၊ စီးပွားရေးကဏ္ဍအတွက် ကုလသမဂ္ဂရဲ့ အကြီးတန်း စီးပွားရေးပညာရှင်ဟောင်း ဒေါက်တာ ဦးမြင့်၊ ဦးဝင်စတန် ဆက်အောင်နဲ့ ဦးစိန်လှဘိုတို့ ပါဝင်ကြောင်း၊ ဥပဒေရေးမှာတော့ ဦးစစ်အေး၊ ဒေါ်ခင်မျိုးမြင့်နဲ့ ဦးသန်းကျော်တို့ကို ရွေးချယ်ထားကြောင်း RFA က ဧပြီလ ၂၆ ရက် မနက်ပိုင်း အစီအစဉ်မှာ ထုတ်လွှင့်ခဲ့ပြီး ဖြစ်ပါတယ်။

သမတ ဦးသိန်းစိန်ရဲ့ နိုင်ငံရေး အကြံပေး ပုဂ္ဂိုလ် ဦးနေဇင်လတ်ကို အဖွဲ့သား ကိုကျော်ကျော်အောင်က ဆက်သွယ် မေးမြန်းထားပါတယ်။