မြန်မာနိုင်ငံ ၆.၄% တိုးတက်မယ်လို့ IMF ခန့်မှန်း
ကမ္ဘာ့စီးပွားရေးဖွံ့ဖြိုးတိုးတက်မှုဟာ ကုန်သွယ်ရေးဆိုင်ရာ စိုးရိမ်ပူပန်စရာတွေအပြင် ဥရောပ သမဂ္ဂက ဗြိတိန်နုတ်ထွက်တာတွေကြောင့် ၂၀၁၉ နှစ်အတွက် ကမ္ဘာ့စီးပွားရေးဖွံ့ဖြိုးတိုးတက်မှု နှေးကွေးနေနိုင်တယ်လို့ IMF အပြည်ပြည်ဆိုင်ရာ ငွေကြေးရံပုံငွေအဖွဲ့က အင်္ဂါနေ့က အစီရင်ခံစာ တစောင် ထုတ်ပြန်လိုက်ပါတယ်။
-
2019-04-09 -
-
-
ရန်ကုန်မြို့ကို တွေ့ရစဉ်
ကမ္ဘာ့စီးပွားရေးဖွံ့ဖြိုးတိုးတက်မှုဟာ ကုန်သွယ်ရေးဆိုင်ရာ စိုးရိမ်ပူပန်စရာတွေအပြင် ဥရောပသမဂ္ဂက ဗြိတိန်နုတ် ထွက်တာတွေကြောင့် ၂၀၁၉ နှစ်အတွက် ကမ္ဘာ့စီးပွားရေးဖွံ့ဖြိုးတိုးတက်မှု နှေးကွေးနေနိုင်တယ်လို့ IMF အပြည်ပြည် ဆိုင်ရာ ငွေကြေးရံပုံငွေအဖွဲ့က အင်္ဂါနေ့က အစီရင်ခံစာတစောင် ထုတ်ပြန်လိုက်ပါတယ်။
တကမ္ဘာလုံးအတိုင်းအတာနှင့် စီးပွားရေးဖွ့ံ့ဖြိုးမှုဟာ ၃.၃%ကနေ ၃.၆% လောက်ပဲရှိနိုင်တယ်လို့ ဆိုပါတယ်။ အမေရိကန်နိင်ငံအတွက် ဖွံ့ဖြိုးမှု ၂.၃%လို့ ခန့်မှန်းထားပြီး တရုတ်နဲ့ အိန္ဒိယနိုင်ငံတွေကိုတော့ ၆%နဲ့ ၇% အထိ ရှိနိုင်တယ်လို့ ဆိုပါတယ်။မြန်မာနိုင်ငံအတွက် ၂၀၁၉ နှစ်မှာ ၆.၄% တိုးတက်မှုရှိနိင်တယ်လို့ ခန့်မှန်းထားပါတယ်။
ဒါပေမဲ့ ကမ္ဘာ့ဘဏ်ရဲ့ မြန်မာနိုင်ငံနဲ့ပတ်သက်ပြီး ခန့်မှန်းချက်မှာ ၂၀၁၇-၁၈မှာ စီးပွားရေးဖွံ့ဖြိုးတိုးတက်မှု ၆.၈% ရှိရာက၂၀၁၉မှာ ၆.၂ %ကို ကျဆင်းနိုင်တယ်လို့ ခန့်မှန်းထားပါတယ်။