မီဇိုရမ်မှာ မြန်မာကိုပို့မယ့် ဖောက်ခွဲရေးပစ္စည်းတွေ ဖမ်းမိ
မီဇိုရမ်ပြည်နယ် မြန်မာနယ်စပ်နားမှာ ဖောက်ခွဲရေး စစ်လက်နက်ပစ္စည်း အမြောက်အများကို မီဇိုရမ်ရဲတပ်ဖွဲ့နဲ့ အာသံရိုင်ဖယ်တပ်ဖွဲ့တွေက သိမ်းဆည်းရမိခဲ့ပါတယ်။
-
RFA Burmese
2024-11-06 -
-
-
အိန္ဒိယနိုင်ငံအရှေ့မြောက်ပိုင်း မီဇိုရမ်ပြည်နယ် မြန်မာနယ်စပ်နားမှာ ဖောက်ခွဲရေး စစ်လက်နက်ပစ္စည်း အမြောက်အများကို မီဇိုရမ်ရဲတပ်ဖွဲ့နဲ့ အာသံရိုင်ဖယ်တပ်ဖွဲ့တွေက သိမ်းဆည်းရမိခဲ့ပါတယ်။
နိုဝင်ဘာလ ၆ ရက်နေ့ မနက် ၄ နာရီက လုံခြုံရေးတပ်ဖွဲ့ဝင်တွေက ပစ်ကပ်ကားတစ်စီးကို ရပ်တန့်ရှာဖွေရာမှာ ဖောက်ခွဲရေးသုံး ယမ်းထုပ်တစ်သောင်းနီးပါးပါ သေတ္တာ ၄၈ လုံး၊ စနက်တံ ၉၄၀၀ ပါ သေတ္တာ ၉၄ လုံးနဲ့ ၁၉၀၀ မီတာနီးပါး စနက်တံကြိုး ၅ လိပ်နဲ့အတူ လူနှစ်ဦးကို ဖမ်းဆီးမိခဲ့တယ်လို့ The Times of Inida သတင်းက ဖော်ပြပါတယ်။
ဖမ်းဆီးထားသူ နှစ်ဦးကို စစ်ဆေးချက်အရ ဒီဖောက်ခွဲရေးပစ္စည်းတွေဟာ မြန်မာစစ်ကောင်စီကို ဆန့်ကျန်တဲ့ တော်လှန်ရေးအဖွဲ့တွေရဲ့ ပစ္စည်းတွေလို့ ယူဆရပြီး မြန်မာနိုင်ငံကို ပို့ဆောင်ဖို့ ရည်ရွယ်ထားတယ်လို့ ဆိုပါတယ်။
သူတို့တွေကို ပေါက်ကွဲစေတတ်သောပစ္စည်းများ အက်ဥပဒေ ၁၉၀၈ နဲ့ အမှုဖွင့်ထားတယ်လို့ ဆိုပါတယ်။