လယ်တီ သိမ်တော်နဲ့ စေတီကို ဖြိုဖျက်လိုက်ပြီ

• 
  2014-04-30

တရုတ်ဝမ်ပေါင်နဲ့ မြန်မာစစ်တပ်ရဲ့ ဦးပိုင်ကုမ္ပဏီ တို့ပူးပေါင်းလုပ်ဆောင်နေတဲ့ လက်ပံတောင်းတောင် ကြေးနီစီမံကိန်းဧရိယာက လယ်တီဆရာတော်ရဲ့ သိမ်တော်နဲ့ စေတီတွေကို လုံးဝဖြိုဖျက်လိုက်ပြီလို့ သတင်းရရှိပါတယ်။

ဒီကိစ္စနဲ့ ပတ်သက်လို့ ဒေသခံ ဆရာတော် အရှင် စန္ဒာသီရိကRFA ကိုမိန့်ပါတယ်။

"လုပ်ကွက်ထဲမှာပါတဲ့ ဦးဇင်းတို့လို တစ်ယောက်ပေါ့နော် သူကနေပြီးတော့ ဘုရား ပန္နတ်တွေကို မနေ့ညကပဲ ဖျက်ဆီးပစ်လိုက်ပြီ ငုတ်တိုတွေပဲ ကျန်တော့တယ်လို့ သတင်းလှမ်း ပို့တယ်ဗျ "

အဲဒီ လယ်တီသိမ်ကိုမဖျက်ဆီးဖို့ဒေသခံတွေ ကန့် ကွက်တောင်းဆိုခဲ့ကြသလို၊ စုံစမ်ရေးကော်မရှင်ရဲ့ အစီရင်ခံစာမှာလဲ စီမံကိန်းမလွတ်လို့ဆိုရင် မူလ ပုံစံမပျက်ရွှေ့ပြောင်းပေးရမယ်လို့ အကြံပြုထား ပါတယ်။ ဒါပေမယ့် ဒေသခံလူထုရော၊ စုံစမ်းရေးကော်မရှင်ရဲ့ အစီရင်ခံစာကိုပါ လျစ်လျူရှုပြီး ဖြိုချလိုက် တာဖြစ်တယ်လို့ဒေသခံ ဆရာတော် အရှင်စန္ဒာသီရိကမိန့်ပါတယ်။