စစ်အာဏာသိမ်းပြီးနောက် မြန်မာဒုက္ခသည်တွေ ဂျပန်လက်ခံခဲ့
မြန်မာနိုင်ငံမှာ စစ်အာဏာသိမ်းပြီးနောက်ပိုင်း ဒုက္ခသည် ၇၄ ယောက်ကို ဂျပန်နိုင်ငံက လက်ခံလိုက်ပါတယ်။
- 2022-05-31
-
-
-
အမေရိကန်သမ္မတ ဂျိုးဘိုင်ဒင်ရဲ့ ဂျပန်နိုင်ငံခရီးစဉ်အတွင်း ဖမ်းဆီးခံထားရတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်လွတ်မြောက်ရေး ဖိအားပေးဖို့ ဂျပန်ရောက်မြန်မာနိုင်ငံသားတွေ တောင်းဆိုနေစဉ်။
AFP
မြန်မာနိုင်ငံမှာ စစ်အာဏာသိမ်းပြီးနောက်ပိုင်း ဒုက္ခသည် ၇၄ ယောက်ကို ဂျပန်နိုင်ငံက လက်ခံလိုက်ပါတယ်။
ဒါဟာဆိုရင် ၁၉၈၂ ခုနှစ်နောက်ပိုင်း နှစ်ပေါင်း ၄ဝ အတွင်းမှာ ဂျပန်မှာ အများဆုံး လက်ခံမှုဖြစ်ပါတယ်။
ဒုက္ခသည်အဖြစ် အသိအမှတ်ပြု မခံရသူတွေအနေနဲ့ကတော့ လူသားချင်း စာနာထောက်ထားမှု အခြေအနေအရ အထူးနေထိုင်ခွင့် အခွင့်အရေး ရရှိမှာဖြစ်တယ်လို့ ဂျပန်သတင်းဋ္ဌာနတစ်ခုဖြစ်တဲ့ Nippon က ဖော်ပြထားပါတယ်။
စစ်အာဏာမသိမ်းခင်က ဒုက္ခသည်ဦးရေ ၁ သန်းကျော်သာရှိခဲ့ရာကနေ ဒီနှစ်ကုန်အထိဆိုရင် ၁၄.၄ သန်းအထိ တိုးလာနိုင်တယ်လို့လည်း ကုလသမဂ္ဂက ခန့်မှန်းထားပါတယ်။