IMF ရဲ့အကူ ယူမယ်ဆိုရင် IMF မူတွေနဲ့အညီ နေရန်လိုအပ်
မြန်မာနိုင်ငံအနေနဲ့ နိုင်ငံတကာ ငွေကြေးရံပုံငွေအဖွဲ့ IMF ရဲ့အကူအညီ ယူမယ်ဆိုရင်တော့ IMF ရဲ့ မူတွေ၊ ဘောင်တွေနဲ့အညီ နေရမှာပါပဲလို့ အမေရိကန် နိုင်ငံခြားရေး ဝန်ကြီးဌာနက ပြောကြားလိုက်ပါတယ်။
-
2011-08-09 -
-
-
၁၉၉၈ ခုနှစ် နိုဝင်ဘာလတွင် မြန်မာကျပ်ငွေ တစ်ထောင်တန်ကို စတင် ရိုက်နှိပ် ထုတ်ဝေခဲ့သည်။
RFA
သြဂုတ်လ ၉ ရက်နေ့က ကျင်းပတဲ့ အမေရိကန် နိုင်ငံခြားရေး ဝန်ကြီးဌာန ပုံမှန် သတင်းစာ ရှင်းလင်းပွဲမှာ ပြောခွင့်ရ ပုဂ္ဂိုလ် Ms.Nuland က ပြောဆိုသွားတာပါ။
မြန်မာအစိုးရက သူ့ရဲ့ ရှုပ်ထွေးလှတဲ့ နိုင်ငံခြားငွေ လဲလှယ်ရေး စနစ် ပြုပြင် ပြောင်းလဲဖို့ ကိစ္စမှာ IMF အမှုဆောင် အဖွဲ့ဝင် ဖြစ်တဲ့ အမေရိကန် ပြည်ထောင်စုက ဘယ်လို သဘောထားပါသလဲလို့ သတင်းထောက် တစ်ယောက်က မေးမြန်းရာမှာ ပြောခွင့်ရပုဂ္ဂိုလ် Ms.Nuland က -
အချုပ်အခြာ အာဏာပိုင် နိုင်ငံ တစ်နိုင်ငံ အနေနဲ့ ဘယ်အခြေအနေမှာ မဆို IMF ရဲ့ အကူအညီကို လက်ခံနိုင် သလို ငြင်းပယ်ခွင့်လည်း ရှိပါတယ်။ ဘယ်နိုင်ငံ မဆို ဒီအခွင့်အရေး ရှိပါတယ်၊ တကယ်လို့ မြန်မာက IMF ရဲ့အကူအညီကို လက်ခံလိုတယ်ဆိုရင် IMF က ချမှတ်ထားတဲ့
မူတွေ ဘောင်တွေ စည်းမျဉ်းစည်းကမ်းတွေ အတိုင်း လိုက်နာရမှာပါပဲ၊ အကူအညီ ယူမယူ ဆိုတာ မြန်မာနိုင်ငံက ရွေးချယ်ရမှာပါလို့ ဖြေကြားသွားပါတယ်။
တနင်္လာနေ့ကတော့ IMF ပြောခွင့်ရသူက နိုင်ငံခြားငွေ လဲလှယ်နှုန်း ပြုပြင်ပြောင်းလဲရေး အတွက် အကူအညီပေးဖို့ မြန်မာအစိုးရရဲ့ဖိတ်ကြားချက် အရ လာမယ့် အောက်တိုဘာလမှာ IMF အရာရှိတွေ မြန်မာနိုင်ငံကို သွားရောက်မှာ ဖြစ်ကြောင်း ပြောဆိုခဲ့ပါတယ်။