ရခိုင်ပြဿနာနဲ့ ရိုက်တာသတင်းထောက်ကိစ္စ ကနေဒါဝန်ကြီး စိုးရိမ်
မြန်မာနိုင်ငံမှာ တရားစွဲဆို ဖမ်းဆီးခံထားရတဲ့ ရိုက်တာ သတင်းထောက် နှစ်ဦးကိစ္စနဲ့ ရခိုင်ပြည်နယ်ပြဿနာအတွက် အလွန်တရာ စိုးရိမ်မိကြောင်း ကနေဒါ နိုင်ငံခြားရေးဝန်ကြီး က ပြောပါတယ်။
-
2018-02-27 -
-
-
၂၀၁၈ ခုနှစ် ဖေဖော်ဝါရီလ ၂၇ ရက်နေ့ ကုလလူ့အခွင့်အရေးကောင်စီ နှစ်ပတ်လည် အစည်းအဝေးမှာ ကနေဒါ နိုင်ငံခြားရေးဝန်ကြီး Chrystia Freeland ကို တွေ့ရစဉ်
Photo: Chrystia Freeland Twitter
မြန်မာနိုင်ငံမှာ တရားစွဲဆို ဖမ်းဆီးခံထားရတဲ့ ရိုက်တာ သတင်းထောက် နှစ်ဦးကိစ္စနဲ့ ရခိုင်ပြည်နယ်ပြဿနာအတွက် အလွန်တရာ စိုးရိမ်မိကြောင်း ကနေဒါ နိုင်ငံခြားရေးဝန်ကြီး က ပြောပါတယ်။
ဆွစ်ဇာလန်နိုင်ငံ ဂျနီဗာမြို့မှာ မနေ့က စတင်ကျင်းပတဲ့ ကုလသမဂ္ဂ လူ့အခွင့်အရေးကောင်စီ နှစ်ပတ်လည် အစည်းအဝေးမှာ ပြောကြားခဲ့တာပါ။
မြန်မာနိုင်ငံမှာ စစ်မှန်တဲ့ ဒီမိုကရေစီ ထွန်းကားဖို့ဆိုရင်၊ သတင်းလွတ်လပ်ခွင့်အပါအဝင် အခြေခံ လွတ်လပ်ခွင့်တွေအပေါ် လေးစားသမှုရှိရပါမယ်၊ ဒါကြောင့် ရခိုင်ပြည်နယ်က ရာဇဝတ်မှုတွေအကြောင်း သတင်း ရေးသားဖေါ်ပြဝံ့တဲ့ ရိုင်တာသတင်းထောက်နှစ်ဦး ဖမ်းဆီးအကျဉ်းချခံထားရတဲ့အပေါ် အလွန်တရာ စိုးရိမ်မိတာဖြစ်ကြောင်း ကနေဒါ နိုင်ငံခြားရေးဝန်ကြီး Chrystia Freeland က ပြောဆိုခဲ့ပါတယ်။
Chrystia Freeland ဟာ Thomson Reuters Digital သတင်းဌာနရဲ့ အယ်ဒီတာဟောင်းတဦး ဖြစ်ပါတယ်။