ရခိုင်မှာ ရွေးကောက်ပွဲမဲပေးခွင့် ဆုံးရှုံးနေသူ ၁၂ သိန်းကျော်ရှိ
ရခိုင်ပြည်နယ်မှာ ရွေးကောက်ပွဲ ပြန်ကျင်းပဖို့ အဆင်သင့်ဖြစ်နေပြီလို့ ပြည်နယ်ရွေးကောက်ပွဲ ကော်မရှင်က ပြောပါတယ်။ နိုဝင်ဘာလ ၈ ရက်နေ့ ရွေးကောက်ပွဲမှာ ရခိုင်ပြည်နယ်အတွင်း မဲပေးခွင့်ရှိသူ ၁၆ သိန်းထဲက ၄ သိန်းပဲ မဲပေးခွင့်ရခဲ့တာမို့ လူပေါင်း ၁၂ သိန်း မဲပေးခွင့် ဆုံးရှုံးနေတယ်လို့လည်း ဆိုပါတယ်။
-
စောဖိုးခွား
2020-12-02 -
-
-
ရခိုင်ပြည်နယ်မှာ ရွေးကောက်ပွဲ ပြန်ကျင်းပဖို့ အဆင်သင့်ဖြစ်နေပြီလို့ ပြည်နယ်ရွေးကောက်ပွဲကော်မရှင်က ပြောပါတယ်။ ပြီးခဲ့တဲ့ နိုဝင်ဘာလ ၈ ရက်နေ့ ရွေးကောက်ပွဲမှာ ရခိုင်ပြည်နယ်အတွင်း မဲပေးခွင့်ရှိတဲ့သူ ၁၆ သိန်းထဲက ၄ သိန်းပဲ မဲပေးခွင့်ရခဲ့တာမို့ လူပေါင်း ၁၂ သိန်း မဲပေးခွင့်ဆုံးရှုံးနေတယ်လို့ ပြည်နယ်ရွေးကောက်ပွဲကော်မရှင် ဥက္ကဋ္ဌ ဒေါ်တင်လှိုင်က RFA ကို ဒီကနေ့ပြောလိုက်ပါတယ်။
ဒီဇင်ဘာလကုန်အထိ ခန့်မှန်းကြိုတင်ကောက်ထားတဲ့ မဲစာရင်းတွေလည်း ရှိပြီးသားမို့ ရွေးကောက်ပွဲပြန်ကျင်းပဖို့ အခက်အခဲမရှိနိုင်ဘူးလို့ ဆိုပါတယ်။ ရခိုင်ပြည်နယ် ရွေးကောက်ပွဲကော်မရှင်ဥက္ကဋ္ဌ ဒေါ်တင်လှိုင်ကို RFA ဝိုင်းတော်သားစောဖိုးခွား ဆက်သွယ်မေးမြန်းထားပါတယ်။
----------------------------
(၂၀၂၀ ရွေးကောက်ပွဲဝင်မယ့် အထင်ကရ နိုင်ငံရေးပါတီတွေ၊ ရွေးကောက်ပွဲဆိုင်ရာ အချက်အလက်တွေနဲ့ သတင်းပေးပို့ချက်တွေကို RFA ရွေးကောက်ပွဲအထူးအစီအစဉ် စာမျက်နှာမှာ တစုတစည်းတည်း လေ့လာကြည့်ရှုနိုင်ပါတယ်။)