0:00 / 0:00
"ئۇلۇغ ئېرا گېزىتى" نىڭ "خىتاي كوممۇنىست پارتىيىسىگە باھا" ناملىق 9 پارچە باشماقالىسىدا، خىتاي كوممۇنىست پارتىيىسىنىڭ شىنجاڭ، تىبەت، ئىچكى موڭغۇلىيە، يۈننەن قاتارلىق ئاز سانلىق مىللەت رايونلىرىدا ئېلىپ بارغان سىياسى ھەرىكەتلەر ئىچكى ئۆلكىلەرگە قارىغاندا پەۋقۇلئاددە ۋە تېخىمۇ دەھشەتلىك ئىكەنلىكى، بۇ رايونلاردا سىياسى ھەرىكەتلەر مەخپىي ئېلىپ بېرىلغان ياكى خاتىرە قالدۇرۇش چەكلەنگەن بولغاچقا، ئۇنىڭدىكى ئۇچۇرلاردىن خەۋەردار بولۇش ناھايىتى قىيىن بولغانلىقى بايان قىلىنغان.
بۇ بايانغا ئاساسەن، خىتاي كوممۇنىست پارتىيىسى 1949 - يىلىدىن كېيىن ئۇيغۇر يۇرتلىرىدا ئېلىپ بارغان بىر قاتار سىياسى ھەرىكەتلەر تارىخىنىڭ شاھىدى بولۇشقا مۇناسىپ شەخس سىدىق ھاجى روزى ئەپەندىنى مۇخبىرىمىز ۋەلى كونكېرت تېمىلار بويىچە زىيارەت قىلدى