༸གོང་ས་མཆོག་ནས་སྨན་ཁང་གསར་རྒྱག་ཆེད་ཞལ་འདེབས།

• 
  2011-02-06

༄༅༎བོད་ཀྱི་དབུ་ཁྲིད་བླ་ན་མེད་པ་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་༧མགོན་པོ་གང་ཉིད་ལ་ཕུལ་བའི་ཞལ་འདེབས་ཁག་རྒྱ་གར་གྱི་ཧི་མ་ཅལ་མངའ་སྡེའི་ནང་སྨན་ཁང་གསར་རྒྱག་ཆེད་གནང་སྐོར་ཁ་ས་ཨེ་ཀོ་ནོ་མིཀ་དུས་བབ་ཅེས་པའི་གསར་ཤོག་ནང་གནས་ཚུལ་སྤེལ་འདུག་  རྒྱ་གར་བྱང་ཕྱོཌ་ཧི་མ་ཅལ་མངའ་སྡེའི་གྲོང་ཁྱེར་མན་རྡིའི་ཡུལ་མི་དང་གནས་ཚུལ་མཁོ་སྒྲུབ་ཀྱི་ཐོབ་ཐང་དོན་གཉེར་བ་ལ་ལྦན་ཐ ཀུར་ཡིས་གཟའ་པ་སངས་ཉིན་གནས་ཚུལ་སྤེལ་དོན་ལྟར་ན་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་བཞུཌ་སྒར་རྡ་རམ་ས་ལ་ནས་རྒྱང་ཐག་ཀི་ལོ་མི་ཀྲར་༤༠་སར་ཡོད་པའི་པ་ལམ་པུར་གྲོང་ཁྱེར་ནང་ཆེད་ལས་སྨན་པ་འདྲ་མིན་སློབ་གཉེར་གནང་ཡུལ་སྨན་པའི་གཙུག་ལག་སློབ་གྲ་ཆེན་མོ་དང་ཞིབ་འཇུག་སྡེ་ཚན་གསར་འཛུཌ་ཆེད་ཧིན་སྒོར་ས་ཡ་བཅུ་ཞལ་འདེབས་གནང་པ་མ་ཟད་ ༧གོང་ས་མཆོག་གིས་རྒྱ་གར་དང་ཕྱི་རྒྱལ་ཁག་ཏུ་ཡོད་པའི་རྗེས་འཇུག་པ་རྣམས་ལ་ཞལ་འདེབས་གནང་སྐྱོང་ཡོང་བའི་འབོད་སྐུལ་གནང་བ་ལྟར་ སྨན་ཁང་གསར་རྒྱག་ཆེད་གསར་འཛུཌ་གནང་བའི་ཐེབས་རྩ་བརྒྱུད་ནས་ཧིན་སྒོར་བྱེ་བ་གཅིག་དང་ཕྱེད་ཀ་ལྷག་ཞལ་འདེབས་གནང་ཡོད་པ་དང་ཐེབས་རྩ་དེའི་གཙོ་འཛིན་ནི་རྒྱ་གར་གྱི་སྲིད་དོན་ཚོཌ་པ་སྦ་རཏི་ཡ་ཇན་ཏ་ཚོཌ་གཞོན་དང་ཧི་མ་ཅལ་མངའ་སྡེ་སྤྱི་ཁྱབ་བློན་ཆེན་ཟུར་པ་ཤན་ཏ་ཀུ་མའར་མཆོག་ཡིན་འདུག་ གོང་ཞུས་གསར་འགོད་པ་ཐ་ཀུར་ཡིས་གནས་ཚུལ་མུ་མཐུད་ནས་སྤེལ་དོན་ལྟར་ན་༧གོང་ས་མཆོག་གིས་Vivekananda Medical and Research Trust ཞེས་སྨན་ཁང་དང་ཞིབ་འཇུག་ཐེབས་རྩ་ཁང་ལ་ཧིན་སྒོར་ས་ཡ་༥་ཐེངས་གཉིས་གནང་ཡོད་འདུག་  ༧གོང་ས་མཆོག་གིས་འབོད་སྐུལ་མཛད་པ་ལྟར་ཨ་མེ་རི་ཀའི་གྲོང་ཁྱེར་ནེའུ་ཡོག་ནང་གནས་བཞུཌ་མི་བཞིས་ཉི་མ་གཅིག་ལ་གོང་ཞུས་ཐེབས་རྩར་ཧིན་སྒོར་ས་ཡ་བཅུ་འམ་བྱེ་བ་གཅིག་ཞལ་འདེབས་ཕུལ་འདུག