༸གོང་ས་མཆོག་ནས་ཆོས་ལུཊ་ཁོ་ནའི་དབུ་ཁྲིད་གནང་རྒྱུ།

• 
  2011-04-30

༄༅༎རྒྱ་གར་གྱི་ཚགས་ཤོག་རྒྱ་གར་གྱི་དུས་བབ་ཅེས་པའི་ཐོག་གནས་ཚུལ་སྤེལ་བའི་ནང་། ༧གོང་ས་༧སྐྱབས་མགོན་ཆེན་པོ་མཆོག་ནས། སྐུ་ཉིད་ཀྱིས་ཆབ་སྲིད་དང་འཛིན་སྐྱོང་ཀྱི་སྐུ་དབང་བཙན་བྱོལ་བོད་མི་ཚོས་འོས་འདེམས་བྱས་པའི་བཀའ་བློན་ཁྲི་པར་རྩིས་སྤྲོད་གནང་རྒྱུ་དང་།  ཡིན་ནའི་༧གོང་ས་མཆོག་གིས་ཏྭ་ལའི་བླ་མའི་མཚན་ཐོག་ནས་མུ་མཐུད་ཆོས་ལུགས་ཁོ་ནའི་དབུ་ཁྲིད་གནང་རྒྱུ་ཡིན་པ་གཟའ་པ་སངས་ཉིན་ཉི་ཧོང་གི་ཀྱིཡོ་ཌོ་གསར་འགྱུར་རྒྱུད་ལམ་གྱི་བཀའ་འདྲིར་བཀའ་ལན་བསྩལ་གནང་མཛད་ཡོད་འདུག

༧གོང་ས་༧སྐྱབས་མགོན་ཆེན་པོ་མཆོག་ཕྱི་ཚེས་༢༨དང་༢༩བཞུགས་བཞག་གཉིས་རིང་ཉི་ཧོང་གི་རྒྱལ་ས་ཀྲོཀ་ཡོ་ནང་དུ་གུ་གུ་ཇི་དགོན་པའི་ནང་། ཉེ་ཆར་ཉི་ཧོང་ནང་ས་ཡོམ་དང་མཚོ་རླབས་ཀྱི་གནོད་འཚེའི་འོག་རྐྱེན་འདས་སུ་ཕྱིན་པ་རྣམས་ཀྱི་ཆེད་དུ་ཐུགས་སྨོན་སྐྱབས་འཇུག་གནང་ཡོད་པ་དང་། ༧གོང་ས་༧སྐྱབས་མགོན་ཆེན་པོ་མཆོག་གིས་ཆབ་སྲདི་དང་འཛིན་སྐྱོང་ཀྱི་སྐུ་དབང་མང་ཚོགས་ཀྱིས་འོས་འདེམས་བྱས་པའི་བཀའ་བློན་ཁྲི་པར་རྩིས་སྤྲོད་གནང་རྒྱུ་དེ་ད་ཆ་དུས་ལ་བབ་པ་ཞིག་ཡིན་པར་དགོངས་བཞེས་གནང་གི་ཡོད་པ་དང་། དེའི་ཐོག་བོད་མི་མང་ཚོགས་མང་ཆེ་བས་བསམ་ཤེས་ཐུབ་ཀྱི་ཡོད་པ་བཀའ་བསྩལ་གནང་མཛད་འདུག།