བཟང་སྤྱོད་ཉམས་ལེན་སྐོར་བཀའ་སློབ།

• 
  2013-06-24

༄༅༎ཕྱི་ཚེས་ ༢༣ ཉིན་༸གོང་ས་༸སྐྱབས་མགོན་ཆེན་པོ་མཆོག་གིས། ཨོ་སི་ཊེ་ལི་ཡའི་གྲོང་ཁྱེར་ཌར་ཝིན་ནང་ཐོག་མར་ཨ་ཡི་ཊི་ཝི་ ཞེས་པའི་བརྙན་འཕྲིན་བརྒྱུད་ལམ་གྱི་གསར་འགོད་པ་Karla Grant གིས་བཀའ་འདྲི་དགོངས་སྐོར་ཞུས་པ་ཁག་ལ་བཀའ་ལན་མཛད་གནང་ཡོད་པ་དང་། དེ་རྗེས་ཌར་ཝིན་ཚོགས་ཁང་ཆེན་མོའི་ནང་མང་ཚོགས་ ༣༠༠༠ བརྒལ་བར་བདེན་བཞིའི་ཆོས་འབྲེལ་དབུ་འཛུགས་དང་། ཉིན་རྒྱབ་བཟང་སྤྱོད་ཉམས་ལེན་བྱེད་ཕྱོགས་སྐོར་བཀའ་སློབ་བསྩལ་གནང་མཛད་ཡོད་པ་རེད།  ༧གོང་ས་མཆོག་གིས་འབྱུང་འགྱུར་འཛམ་གླིང་ནང་ཞི་བདེ་གཏན་ལྷིང་ཡོང་མིན་ནི་དུས་རབས་ཉི་ཤུ་རྩ་གཅིག་ནང་གི་གཞོན་སྐྱེས་ཚོར་རེ་བ་རྒྱག་རྒྱུ་ཡིན་པའི་སྐོར་བཀའ་ཕེབས་པའི་རྗེས། བཀའ་འདྲི་དགོངས་སྐོར་ཞུས་པ་ཁག་གཅིག་ལ་བཀའ་ལན་བསྩལ་གནང་མཛད་འདུག།
དེ་རྗེས་༸གོང་ས་མཆོག་གི་ཆིབས་སྒྱུར་གོ་སྒྲིག་ཚོགས་ཆུང་གིས་ཚོགས་གཙོ་སྐུ་ཞབས་RobertKeldoulisལགས་ཀྱིས་ཆིབས་སྒྱུར་དང་འབྲེལ་བའི་ལས་བསྡོམས་སྙན་སེང་ཞུས་ཡོད་པ་རེད། ༸གོང་ས་མཆོག་གིས་ཐེངས་འདིའི་ནིའུ་ཛི་ལེན་ཌི་དང་ཨོ་སི་ཊེ་ལི་ཡ་བཅས་ནང་གི་མཛད་འཕྲིན་རྣམས་ཡོངས་སུ་ལེགས་པར་གྲུབ་སྟེ་ཁེ་ས་སིངྒ་པུར་བརྒྱུད་རྒྱ་གར་དུ་ཆིབས་ཞལ་བསྒྱུར་གནང་མཛད་འདུག།