བོད་ཀྱི་གནམ་གཤིས་འགྱུར་ལྡོག་གི་སྐོར་དེབ་ཕྲེང་གསར་པ།

• 
  2011-01-06

༄༅༎མཐོ་སྒང་བོད་ཀྱི་གནམ་གཤིས་འགྱུར་ལྡོག་ལ་རྐྱེན་པས་མ་འོངས་ཨེ་ཤི་ཡའི་མངའ་ཁུལ་གྱི་འཁོར་ཡུག་ལ་ཤུགས་རྐྱེན་ཇི་ལྟར་ཐེབས་ངེས་སྐོར་དེབ་ཕྲེང་གསར་པ་དབུ་འབྱེད་གནང་འདུག

དེ་ཡང་ཁ་ས་ཚེས་༦ཉིན་བཞུགས་སྒར་རྡ་རམ་ས་ལར་བོད་ཀྱི་བེུད་ལྷན་ཚོགས་ནས་བོད་ཀྱི་ཆུ་བོའི་གནས་བབ་དང་རང་བྱུང་འཁོར་ཡུག་གི་གནད་དོན་ཐོག་ནས་མཐོ་སྒང་བོད་ཀྱི་གནམ་གཤིས་འགྱུར་ལྡོག་དང་འབྲེལ་བ་ཇི་ཆགས་སྐོར་ཞིབ་འཇུག་གི་དེབ་ཕྲེང་གསར་པ་ཞིག་དབུ་འབྱེད་གནང་ཡོད་པ་རེད་ བོད་ཀྱི་འཁོར་ཡུག་སྐོར་ཞིབ་འཇུག་གི་དེབ་དེའི་ནང་རྒྱ་ནག་གཞུང་གིས་བོད་ནང་ཆུ་རག་འཛུགས་བསྐྲུན་གྱི་ལས་གཞི་ཁག་དང་བོད་ཀྱི་གཙང་པོ་ རྒྱ་ནག་ཕྱོགས་སུ་ཁ་བསྒྱུར་གྱི་ལས་འཆར་དང་དེ་བཞིན་བོད་ཀྱི་ཞིང་འབྲོག་ས་ཁུལ་གྱི་མི་མང་རྣམས་གྲོང་ཁྱེར་རུ་གནས་སྤོ་བྱས་ཏེ་སྲོལ་རྒྱུན་གྱི་ལམ་ལུགས་རྩ་བརླག་གཏོང་བ་དང་གཞི་རྩའི་རྒྱ་ནག་གཞུང་གིས་བོད་ཐོག་འཁོར་ཡུག་དང་འབྲེལ་བའི་སྲིད་ཇུས་བཟུང་ཕྱོགས་སྐོར་ཞིབ་འཇུག་གི་གནས་ཚུལ་ཞིབ་ཕྲ་བཀོད་ཡོད་པ་རེད་ བོད་ཀྱི་བེུད་ལྷན་ཚོགས་ནས་འཁོར་ཡུག་གི་གནད་དོན་སྐོར་  དེབ་དབུ་འབྱེད་ཀྱི་སྤྱི་བསྒྲགས་སྤེལ་བའི་ནང་༡༩༩༩ནས་བཟུང་རྒྱ་ནག་གཞུང་གིས་ནུབ་ཕྱོགས་གསར་སྤེལ་ལས་འདྲ་ཞེས་པའི་ལས་གཞི་ལག་སྟར་བྱས་པ་ནས་བཟུང་རྒྱ་ནག་གི་འགོ་འཁྲིད་ཚོས་བོད་ཀྱི་ཞིང་འབྲོག་མི་མང་བཙན་ཤེད་ཀྱི་གནས་སྤོ་བྱེད་པ་དང་ ཞིང་ས་བཙན་འཕྲོག་བྱས་པ་ དེ་བཞིན་འབྲོག་སའི་ཁུལ་གྱི་རྩྭ་ཐང་ལ་བཙན་ཤེད་ཀྱིས་ར་བ་སྐོར་བཅུགས་པ་སོགས་ཀྱི་བོད་མིའི་སྲོལ་རྒྱུན་གྱི་ལམ་ལུགས་རྩྭ་རླག་འགྲོ་ཉེན་བཟོས་པ་མ་ཟད་ལོ་རྒྱུས་ཐོག་ཆ་སྙོམ་ལྡན་པའི་བོད་ཀྱི་རང་བྱུང་འཁོར་ཡུག་གི་གནས་བབས་ཐོར་གཤིགས་སུ་འགྲོ་རྒྱུའི་ཉེན་ཚབ་ཆགས་ཡོད་པའི་སྐོར་གསལ་འདོན་གནང་བཞག བོད་ཀྱི་བེུད་ལྷན་ཚོགས་ནས་ཁ་ས་བོད་ཀྱི་འཁོར་ཡུག་སྐོར་དེབ་དབུ་འབྱེད་སྐབས་བོད་ཀྱི་ཆུ་བོའི་གནས་བབ་སྐོར་བརྙན་འཁྲིན་འོས་སྡེར་ཞིག་ཀྱང་ཟུར་དུ་འགྲེམས་སྤེལ་གནང་ཡོད་པ་རེད་༎