བཟང་སྤྱོད་སྐོར་ཤེས་ཡོན་བསླབ་གཞི་ནང་བཅུག་ཐུབ་པ་འདི་རྒྱུན་གནས་ཐུབ་པའི་ཕན་ནུས་ལྡན་པ་ཞིག་ལ་ངོས་འཛིན་གནང་གི་འདུག

ཨ་མི་རི་ཀའི་ཇོར་ཇི་ཡ་ (Georgia) མངའ་སྡེའི་ཨེཊ་ལེན་ཊཱ་ (Atlanta) གྲོང་ཁྱེར་ནང་རྟེན་གཞི་བྱས་པའི་ཨེ་མོ་རི་(Emory) གཙུག་ལག་སློབ་ཆེན་དུ་ཕྱི་ཟླ་ ༩ ཚེས་ ༣ ནས་ ༦ བར་ཕྱི་ལོ་ ༢༠༢༤ ལོའི་བོད་ཀྱི་བདུན་ཕྲག་ཅེས་པའི་དུས་སྟོན་སྲུང་བརྩི་ཞུ་བཞིན་ཡོད་པ་དང་། ད་ལོའི་དུས་སྟོན་འདིའི་ཐོག་༧གོང་ས་༧སྐྱབས་མགོན་ཆེན་པོ་མཆོག་གི་མཚན་གནས་རྗེས་འབྲེལ་གྱི་བསྟན་འཛིན་རྒྱ་མཚོའི་སློབ་ཡོན་ལས་འཆར་གྱི་སློབ་པ་ཐོག་མའི་གྲས་དགེ་བཤེས་གསུམ་ཆེད་དུ་གདན་ཞུས་ཀྱིས། ཚན་རིག་པ་གཞན་དང་དཔུང་པ་མཉམ་ཞིབ་ཀྱིས་དཔྱད་པའི་གྲུབ་དོན་མཉམ་སྤྱོད་གནང་བཞིན་པ་འདི་ནི་བོད་ཀྱི་དགོན་སྡེ་ཁག་གི་ཚན་རིག་སློབ་སྦྱོང་གི་ཚད་གཞིའི་ལམ་བུ་དམིགས་བསལ་དུ་སླེབས་ཡོད་པའི་མཚོན་རྟགས་ཤིག་ཡིན་པ་རེད། གཤམ་ལ་ཨེ་ཤེ་ཡ་རང་དབང་རླང་འཕྲིན་ཁང་གི་གསར་འགོད་པ་མཁའ་འགྲོ་གཡང་འཛོམས་ལགས་ཀྱིས་ཨེ་མོ་རི་བོད་ཀྱི་ཚན་རིག་ལས་འཆར་གྱི་ཟུང་སྦྲེལ་འགན་འཛིན་འབུམ་རམས་པ་ཚེ་བརྟན་སྒྲོལ་དཀར་ལགས་སུ་བཀའ་དྲི་ཞུས་པའི་ལེ་ཚན་འདི་གསན་གནང་གི་རེད།

ཨེ་མོ་རི་བོད་ཀྱི་ཚན་རིག་ལས་འཆར་གྱི་ཟུང་སྦྲེལ་འགན་འཛིན་འབུམ་རམས་པ་ཚེ་བརྟན་སྒྲོལ་དཀར།

གསར་འགོད་པ། མཁའ་འགྲོ་གཡང་འཛོམས།
རྩོམ་སྒྲིག་པ། དོན་གྲུབ་རྣམ་རྒྱལ།
དྲྭ་ཐོག་སྤེལ་མཁན། ཡེ་ཤེས་བཀྲ་ཤིས།