ນັກສຶກສາລາວໄປຮຽນຕໍ່ ຢູໂຣບ

ໃນມື້ວັນ ພະຫັດ ຜ່ານມາ ຕົວແທນ ຈາກ ສະຫາພາບ ຢູໂຣບ ປະຈຳ ລາວ ໄດ້ຈັດພິທີ ລ້ຽງສົ່ງ ບັນດາ ນັກສຶກສາ ລາວ 13 ຄົນ ທີ່ ໄດ້ທຶນ ໄປສຶກສາ ຢູ່ ປະເທດ ສະມາຊິກ ສະຫາພາບ ຢູໂຣບ ໃນ ປີ ນີ້. ກຸ່ມ ດັ່ງກ່າວ ຈະ ໄປສຶກສາ ຢູ່ ຫຼາຍ ປະເທດ ໃນນັ້ນ ຮ່ວມ ດ້ວຍ ປະເທດ ອອສເຕຣັຽ, ເບນຢ້ຽມ, ເຊັກ ຣິພັບບລິກ, ຝຣັ່ງເສສ, ອິຕາລີ, ໂຣມາເນັຽ, ສວິເດັນ ແລະ ອັງກິດ ຈະຮຽນ ໃນຂແນງ ວິຊາ ແຕກຕ່າງ ກັນ ເລີ້ມຈາກ ນັກວິຊາການ ໄປຮອດ ຂັ້ນ ປຣິນຍາເອກ ແລະ ສາຍອາຊີບ.

ສະຫາພາບ ຢູໂຣບ ໄດ້ ຈັດພິທີ ສັ່ງລາ ກຸ່ມ ນັກສຶກສາ ໃຫມ່ ຮ່ວມກັບ ອະດີດ ນັກສຶກສາ ເກົ່າ, ໃນ ວັນພົບປະ ກັນ ປະຈຳປີ ຂອງ ກຸ່ມ ນັກສຶກສາ ເກົ່າ ໃນ ປີ ນີ້. ພິທີ ດັ່ງກ່າວ ເຂົ້າຮ່ວມ ໂດຍ ທ່ານ Michel Goffin ຕົວແທນ ສະຫະພາບ ຢູໂຣບ ປະຈຳ ລາວ, ເຈົ້າຫນ້າທີ່ີ ຣະດັບ ສູງ ຈາກ ກະຊວງ ສຶກສາ ແລະ ການກິລາ, ກະຊວງ ຕ່າງ ປະເທດ, ມະຫາວິທຍາລັຍ ແຫ່ງຊາດ ແລະ ນັກການທູດ ຈາກ ສະມາຊິກ ປະເທດ ສະຫາພາບ ຢູໂຣບ ໃນລາວ, ຮ່ວມທັງ ອະດີດ ນັກສຶກສາ ລາວ ຜູ້ທີ່ໄດ້ ຮັບທຶນ ດັ່ງກ່າວ ມາກ່ອນ.

ໃນປີນີ້ ຢ່າງນ້ອຍ ມີ ນັກສຶກສາ ລາວ 13 ຄົນ ໄດ້ ທຶນ ໃນ ກອງທຶນ 55 ທຶນ ທີ່ ປະກາດ ໃນປີ ທີ່ ຜ່ານມາ ໃນ 6 ໂຄງການ ໃຫ້ທຶນ ແກ່ ນັກສຶກສາ ລາວ ຈາກ ປະເທດ ຢູໂຣບ ແລະ ຍັງມີ ແຜນການ ຈະ ຄັດເລືອກ ເອົາ ນັກສຶກສາ ເພີ້ມ ຫລັງຈາກ ນັກ ສຶກສາ ຊຸດນີ້.