6 ປີ ຣັຖບານລາວເມີນເສີຍ ເຣື້ອງ ທ.ສົມບັດ
ໃນກໍຣະນີ ການລັກພາຕົວ ທ່ານ ສົມບັດ ສົມພອນ ນັກພັທນາ ອາວຸໂສ ດີເດັ່ນ ຂອງລາວ ໄດ້ວຽນມາ ຄົບຮອບ 6 ປີ, ການສືບສວນ ຊອກຫາ ທ່ານ ສົມບັດ ກໍຍັງບໍ່ມີຫຍັງ ຄືບໜ້າ.
-
ອຸ່ນແກ້ວ ສຸກສະຫວັນ
2018-12-12 -
-
-
ເມື່ອປີກາຍ ໃນວັນຄົບຮອບ ການຫາຍສາບສູນ ຂອງ ທ່ານ ສົມບັດ ສົມພອນ ຊາວເອເຊັຽ ທ້ອນໂຮມກັນ ທັກທ້ວງຮຽກຮ້ອງ ໃຫ້ຣັຖບານ ສປປ ລາວ ສືບສວນຊອກຫາ ທ່ານສົມບັດ ສົມພອນ
Courtesy of: sombath.org
Your browser doesn’t support HTML5 audio
ທ່ານ ສົມບັດ ສົມພອນ ນັກພັທນາ ອາວຸໂສ ດີເດັ່ນຂອງລາວ ເຈົ້າຂອງລາງວັນແມັກໄຊໄຊ ປີ 2005 ໃນສາຂາການພັທນາຊຸມຊົນ, ທ່ານ ໄດ້ຖືກລັກຖາຕົວໄປ ໃນວັນທີ 15 ທັນວາ ປີ 2012 ຢູ່ຕໍ່ໜ້າປ້ອມຍາມຕຳຣວດ ໃກ້ກັບໂຮງຮຽນການຊ່າງ ລາວ-ເຢັຽຣະມັນ ຖະໜົນທ່າເດືອ ເມືອງສີສັດຕະນາກ ນະຄອນຫລວງວຽງຈັນ.
ມາຮອດປັດຈຸບັນ ເວລາໄດ້ຜ່ານໄປ 6 ປີ ທີ່ ທ່ານ ສົມບັດ ສົມພອນ ຍັງຫາຍສາບສູນ, ແຕ່ ການສືບສວນ ສອບສວນ ການຊອກຫາ ທ່ານ ສົມບັດ ກໍຍັງບໍ່ມີຄວາມຄືບໜ້າ ແຕ່ຢ່າງໃດ ແລະຄອບຄົວຂອງ ທ່ານ ກໍຍັງລໍຖ້າຟັງຂ່າວ ຈາກທາງການລາວ ຢູ່. ເຊີນທ່ານຮັບຟັງການ ສຳພາດ ຍານາງ ຊຸຍເມັງ ພັລຍາ ຂອງ ທ່ານ ສົມບັດ ສົມພອນ ເບິ່ງວ່າເປັນແນວໃດ.