ສາວລາວ ລັກໜີ ຈາກສາມີຈີນ: ສັມພາດ
ເດັກນ້ອຍ ແມ່ຍິງລາວ ແຂວງຫຼວງນໍ້າທາ ທີ່ຖືກຫຼອກລວງ ໃຫ້ແຕ່ງດອງ ກັບຜູ້ຊາຍຈີນ ແລະ ໄປຢູ່ຈີນ ນໍາສາມີ ແຕ່ຕ້ອງໄດ້ ລັກໜີ ກັບຄືນມາບ້ານ ພາຍຫລັງ ທີ່ທົນທຸກ ຢູ່ ນໍາສາມີມາ 3 ປີ.
-
ມະນີຈັນ
2018-04-17 -
-
-
ຊີວິດປະຈໍາວັນຂອງແມ່ຍິງ ໃນແຂວງຢູນານ ສປຈີນ ພາກເໜືອຂອງແຂວງຫຼວງນໍ້າທາ ສປປ ລາວ
RFA/BK
Your browser doesn’t support HTML5 audio
ນາງ ນ້ອຍ (ນາມສົມມຸດ) ເປັນເດັກນ້ອຍແມ່ຍິງລາວ ຈາກແຂວງຫລວງນໍ້າທາ ສປປ ລາວ ອາຍຸ 17 ປີ ທີ່ ຮູ້ເທົ້າບໍ່ເຖິງການ ໄດ້ຕັດສິນໃຈ ແຕ່ງດອງ ກັບຜູ້ຊາຍຈີນ ໃນປີ 2016 ແລະ ສາມາດລັກໜີ ຈາກສາມີ ກັບຄືນບ້ານເກີດ ທີ່ ແຂວງຫຼວງນໍ້າທາ ເມື່ອທ້າຍປີກາຍ ພາຍຫຼັງທີ່ ຕ້ອງໄດ້ ທົນທຸກທໍຣະມານ ຢູ່ຈີນ ເຖິງ 3 ປີ. ນາງນ້ອຍ ໃຫ້ສັມພາດ ວິທຍຸ ເອເຊັຽ ເສຣີ (RFA) ໃນມື້ວັນທີ 16 ເມສາ 2018 ວ່າ ທົນທຸກ ຢູ່ກັບສາມີຄົນຈີນນັ້ນ ບໍ່ໄດ້ ຍ້ອນເຂົາເປັນຄົນໃຈຮ້າຍ, ມັກໃຊ້ຄວາມຮຸນແຮງ, ບັງຄັບຕົບຕີ ນາງຕ້ອງເຈັບໂຕ ຢູ່ຕລອດ ບາງຄັ້ງ ກໍເຖິງ ເລືອດຕົກຢາງອອກ.