ຂີ້ເຫຍື້ອໄໝ້ບໍ່ມອດ ຈົນເກີດ ມົລພິດ
ການຈູດຂີ້ເຫຍື້ອ ຢູ່ ເມືອງທ່ອງທ່ຽວ ວັງວຽງ ແຂວງວຽງຈັນ ກາຍເປັນວ່າ ສ້າງມົລພິດ ໃຫ້ແກ່ຊາວບ້ານ ຢູ່ ເຂດໃກ້ຄຽງ.
-
ອຸ່ນແກ້ວ ສຸກສະຫວັນ
2020-01-13 -
-
-
ກອງຂີ້ເຫຍື້ອ ທີ່ໄໝ້ບໍ່ເຄີຍຢຸດ ທາງໜ່ວຍດັບເພີງມາມອດ ກໍໄດ້ຊົ່ວຄາວ ແລ້ວກັບມາໄໝ້ຕື່ມ
ຮູບຈາກ ວີດີໂອ ນັກຂ່າວພົລເມືອງ
Your browser doesn’t support HTML5 audio
ການຈູດຂີ້ເຫຍື້ອ ຢູ່ ເມືອງທ່ອງທ່ຽວ ວັງວຽງ ແຂວງວຽງຈັນ ກາຍເປັນວ່າ ສ້າງມົລພິດ ໃຫ້ແກ່ຊາວບ້ານ ຢູ່ເຂດໃກ້ຄຽງ. ປະຊາຊົນຕ້ອງ ໄດ້ໃຊ້ຜ້າອັດປາກ ອັດດັງ ຢູ່ຕລອດ ທັງເວັນທັງຄືນ. ບ້ານເຮືອນເຂົາເຈົ້າ ຕ້ອງອັດປະຕູ ຍ້ອນຄວັນຈາກ ການຈູດຂີ້ເຫຍື້ອ ຢູ່ແຄມທາງ ເຂດ ບ້ານນາມອນ, ບ້ານຂັນໝາກແລະບ້ານໂພນວຽງ ທີ່ຫ່າງຈາກເທສບານ ເມືອງວັງວຽງ ປະມານ 6 ກິໂລແມັດ ທີ່ໄດ້ຮັບກິນຂິວເໝັນ.