វេទិកាអ្នកស្ដាប់វិទ្យុអាស៊ីសេរីសម្រាប់រាត្រីថ្ងៃសុក្រ ទី១៧ ខែមករា នេះ នឹងពិភាក្សាលើប្រធានបទ៖ តើតុលាការថៃ អាចរកយុត្តិធម៌ជូនលោក លិម គិមយ៉ា បានដែរ ឬទេ?
ឃាតកម្មលើលោក លិម គិមយ៉ា អតីតតំណាងរាស្ត្រគណបក្សសង្គ្រោះជាតិ នៅទីក្រុងបាងកក រហូតមកដល់ពេលនេះ មានរយៈពេល ១០ថ្ងៃហើយ ហើយអាជ្ញាធរថៃបានកណត់អត្តសញ្ញាណ និងចាប់បានខ្មាន់កាំភ្លើងម្នាក់ និងអ្នកបើកឡានម្នាក់ ជនជាតិ។ រីឯជនសង្ស័យពាក់ព័ន្ធជាជនជាតិខ្មែរ ២នាក់ទៀត ដែលពាក់ព័ន្ធនឹងមន្ត្រីរដ្ឋាភិបាលកម្ពុជា នៅរត់គេចខ្លួននៅឡើយ។
ភរិយារបស់សពលោក លិម គិមយ៉ា គឺអ្នកស្រី លិម អានី ថ្លែងថា ឃាតកម្មបាញ់សម្លាប់ ប្ដីរបស់អ្នកស្រី គឺជារឿងនយោបាយ ដែលទាក់ទងនឹងរដ្ឋាភិបាលកម្ពុជា មិនមែនជារឿងគំនុំ ឬរឿងបុគ្គល ដូចដែលជនសង្ស័យជាឃាតកបានឆ្លើយប្រាប់ ប៉ូលិសថៃឡើយ។
តើតុលាការថៃ អាចរកយុត្តិធម៌ជូនលោក លិម គិមយ៉ា បានដែរ ឬទេ?
សូមលោកអ្នកនាងចុចស្ដាប់សំឡេង នៃកិច្ចពិភាក្សារវាងលោក ជុន ច័ន្ទបុត្រ ជាមួយលោក គឹម សុខ អ្នកអត្ថាធិប្បាយនយោបាយ និងលោក ស៊ឹង សែនករុណា ប្រធានអង្គការលទ្ធិប្រជាធិបតេយ្យខ្មែរ ដែលបានជជែកពិភាក្សាអំពីរឿងនេះ នៅយប់ថ្ងៃសុក្រ ទី១៧ ខែមករា ឆ្នាំ២០២៥៕