စစ်အာဏာသိမ်းပြီး တစ်နှစ်ခွဲအကြာ ရန်ကုန်မြို့တော်မြင်ကွင်း

• 2022-07-13

စစ်အာဏာသိမ်းပြီးနောက် တစ်နှစ်ခွဲနီးပါး ကြာလာချိန်မှာ ရန်ကုန်မြို့တွင်းမှာ ပုံမှန်သွားလာနေထိုင်နေကြပေမယ့် အာဏာမသိမ်းခင်ကလို စည်စည်ကားကား မရှိတော့ပါဘူး။

အစိုးရရုံးတွေနဲ့ လမ်းတွေမှာ အတားအဆီးတွေ၊ ဘန်ကာတွေ၊ လက်နက်ကိုင်လုံခြုံရေးတွေကို တွေ့ရပါတယ်။

ရန်ကုန်မြို့ရဲ့ ညဈေးတန်းလို့ခေါ်တဲ့ ကမ်းနားလမ်းမှာ ဆိုင်ခန်းတစ်ချို့ ပြန်လည်ဖွင့်လှစ်နေပေမယ့် ပိတ်ထားတဲ့ဆိုင်ခန်းတွေကိုလည်း အများအပြား တွေ့ရပါတယ်။

တက္ကသိုလ်ရိပ်သာလမ်းက ဒေါ်အောင်ဆန်းစုကြည်ရဲ့ နေအိမ်ခြံဝင်းဂိတ်ဝက အမျိုးသားဒီမိုကရေစီအဖွဲ့ချုပ် (NLD) ရုံးဆိုင်းဘုတ်နဲ့အတူ "လူထုနဲ့တိုင်းပြည်ရဲ့မျက်နှာကိုထောက်ပြီး ပြတ်ပြတ်သားသားဆောင်ရွက်ကြ" ဆိုတဲ့ ဗိုလ်ချုပ်အောင်ဆန်းမိန့်ခွန်းဆောင်ပုဒ်ကိုတော့ အရင်အတိုင်းပဲ တွေ့နေရပါတယ်။