တရုတ်နှစ်ကူး မကျင်းပနိုင်သေး

• RFA Burmese
  2024-02-04

ရန်ကုန်မြို့ရဲ့ တရုတ်တန်းလို့ခေါ်ကြတဲ့ လမ်းမတော်နဲ့ လသာမြို့နယ်၊ မဟာဗန္ဓုလလမ်းမှာ တရုတ် နှစ်သစ်ကူးပွဲတော်ကို စည်စည်ကားကား ကျင်းပလေ့ရှိပေမယ့် အာဏာသိမ်းပြီးချိန်ကနေ ဒီနှစ်အထိ ပွဲတော်ကျင်းပတာ မတွေ့ရပါဘူး။

ယခင်နှစ်တွေက မြန်မာဌာနေ တရုတ်လူမျိုးတွေရဲ့ မီးထွန်းပွဲနဲ့ တရုတ်နဂါး ပြိုင်ပွဲတွေကို မြင်ရလေ့ရှိပြီး တရုတ်သံတမန်အဖွဲ့နဲ့ အစိုးရအရာရှိတွေက တက်ရောက်ခဲ့ကြတာပါ။

အခုနှစ်ကတော့ တရုတ်နှစ်သစ်ကူးနေ့ (ဖေဖော်ဝါရီ ၁၀ ရက်)နီးလာပေမယ့် ရိုးရာကန်တော့ပွဲအတွက် တစ်နိုင်တစ်ပိုင် ပစ္စည်းတွေကိုသာ ဝယ်ယူနေကြတာ တွေ့ရပါတယ်။