ပဲခူးမြို့ပေါ် ရေနစ်မြုပ်နေဆဲ
ပဲခူးတိုင်း ပဲခူးမြို့ပေါ်မှာ အောက်တိုဘာလ ၁၀ ရက်နေ့အထိ ရေနစ်မြုပ်နေဆဲဖြစ်ပြီး ကူညီကယ်ဆယ်ရေးတွေ ဆက်လုပ်နေကြဆဲဖြစ်ပါတယ်။
-
RFA Burmese
2023-10-10 -
-
-
ပဲခူးတိုင်း ပဲခူးမြို့ပေါ်မှာ အောက်တိုဘာလ ၁၀ ရက်နေ့အထိ ရေနစ်မြုပ်နေဆဲဖြစ်ပြီး ကူညီကယ်ဆယ်ရေးတွေ ဆက်လုပ်နေကြဆဲဖြစ်ပါတယ်။
ပဲခူးတိုင်းမှာ မိုးရွာသွန်းမှုများပြီး ပဲခူးမြစ်ရေကြီးတာကြောင့် အောက်တိုဘာလ ၈ ရက်နေ့ကစလို့ ရေကြီးရေလျှံမှုတွေ ဖြစ်နေတာပါ။
ရေကြီးမှုကြောင့် ဘေးလွတ်ရာပြောင်းရွှေ့ရသူ ၁၄,၀၀၀ ကျော်ရှိလာပြီး ယာယီကယ်ဆယ်ရေးစခန်း ၃၆ ခုမှာ နေရာချပေးထားတယ်လို့ စစ်ကောင်စီရဲ့ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာန ညွှန်ကြားရေးမှူး ဒေါ်လေးဆွေဇင်ဦးက RFA ကို ဖြေဆိုထားပါတယ်။
စစ်ကောင်စီ မိုးလေဝသနဲ့ ဇလဗေဒညွှန်ကြားမှု ဦးစီးဌာန၊ ညွှန်ကြားရေးမှူး ဦးလှထွန်းကလည်း မုတ်သုံရာသီ ထွက်ခွာခါနီးဖြစ်တာကြောင့် အခုလို မိုးသည်းသည်းထန်ထန် ရွာသွန်းတာဖြစ်ပြီး မြစ်ဝကျွန်းပေါ်ဒေသက မြေနိမ့်ပိုင်းနေထိုင်သူတွေ သတိထားကြဖို့ အောက်တိုဘာ ၈ ရက်နေ့က RFA ကို ပြောဆိုထားပါတယ်။
၂၀၂၃ ခုနှစ် ဩဂုတ်လဆန်းပိုင်းကလည်း ပဲခူးမြို့ပေါ်မှာ ရပ်ကွက်နဲ့ ရွာတွေမှာ ရေကြီးနစ်မြုပ်ခဲ့တာကြောင့် လူဦးရေ တစ်သောင်းရှစ်ထောင်ကျော် ရေဘေးသင့်ခဲ့ရပါတယ်။