အမျိုးသမီးများ အကြမ်းဖက်ခံရမှု ဆန့်ကျင်ရေး လှုပ်ရှားမှု စတင်
2013.02.14
တစ်ကမ္ဘာလုံးက အမျိုးသမီးတွေ ညှင်းပန်းနှိပ်စက်ခံရတာတွေ ရပ်တန့်ဖို့အတွက် ရန်ကုန်မြို့မှာ One Billion Rising Myanmar လှုပ်ရှားမှုအဖြစ် စုပေါင်းကပြ ဖျော်ဖြေမှုတွေ ပြုလုပ်ခဲ့စဉ်
မနက် ၆ နာရီကနေ ၈ နာရီအထိ နှစ်နာရီကြာအောင် ပြည်သူ့ရင်ပြင်၊ အင်းလျားကန်ဘောင်၊ ကန်တော်မင်္ဂလာပန်းခြံ၊ ပြင်သစ်ယဉ်ကျေးမှုဌာနနဲ့ လူစည်ကားရာနေရာတွေဖြစ်တဲ့ Junction Square၊ ဒဂုံစင်တာ၊ တော်ဝင်စင်တာနဲ့ ဦးထွန်းလင်းခြံလမ်းတို့မှာ ပြုလုပ်ခဲ့ကြတာပါ။
ဒီကနေ့ပြုလုပ်တဲ့ ဆန္ဒထုတ်ဖော် ကပြဖျော်ဖြေမှုနဲ့ ပတ်သက်ပြီး ပါဝင်ခဲ့သူတစ်ဦးဖြစ်တဲ့ မထက်ထားက RFA ကို အခုလို ပြောပြပါတယ်။
"ကမ္ဘာပေါ်မှာရှိတဲ့ အမျိုးသမီးတွေ သန်း (၁၀၀၀) လောက်က အဓမ္မပြုကျင့်ခံရဖို့ အခြေအနေတွေရှိနေတယ်၊ အဲ့အမျိုးသမီးတွေအတွက် တောင်းဆိုဆန္ဒထုတ်ဖော်တဲ့ အခမ်းအနားကို ပထမဆုံးအကြိမ် ကျင်းပတာပါ"
အမျိုးသမီးတွေ ညှင်းပန်းနှိပ်စက်ခံနေရတာကို ရပ်တန့်ကြဖို့ အခုလိုဆန္ဒထုတ်ဖော်တဲ့ပွဲဟာ တစ်နိုင်ငံလုံးအနေနဲ့ပြုလုပ်တာ ပထမဆုံးအကြိမ်ဖြစ်ပြီး အဲဒီဆန္ဒထုတ်ဖော်ပွဲမှာ လူဦးရေ နှစ်ရာဝန်းကျင်လောက် ဝင်ရောက်ကပြခဲ့ပါတယ်။
အဲဒီလို အမျိုးသမီးတွေ ညှင်းပန်းနှိပ်စက်ခံရတဲ့ အခြေအနေတွေ ရပ်တန့်ဖို့အတွက် နောက်ပိုင်းမှာလည်း ထပ်မံကျင်းပသွားဖို့ရှိတယ်လို့ သိရပါတယ်။
ဖတ်ရှုသူအများဆုံး သတင်းများ။
RFA
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- မြန်မာမှာ စစ်အာဏာရှင်စနစ်အဆုံးသတ်မှ နျူကလီးယားကိစ္စပြုလုပ်ဖို့ နိုင်ငံတကာကို ဦးကျော်မိုးထွန်းတိုက်တွန်း
- မြေလတ်အသံသတင်းထောက် ထောင်ချခံရမှုအပေါ် IMJA ကန့်ကွက်ရှုတ်ချ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၁ ရက်)