အမျိုးသားရေး ကျောင်း ဆောက်လုပ်ခွင့် မချပေးတာ ဦးဝီရသူ ပြစ်တင်


2018.11.25
wirathu-school-press-622.jpg မန္တလေးတိုင်းဒေသကြီး ပုသိမ်ကြီးမြို့နယ် ကျောက်ချောကျေးရွာမှာ ၂ဝ၁၈ ခုနှစ် နိုဝင်ဘာလ ၂၅ ရက်နေ့က မဟော်သဓာ အမျိုးသားရေး ကိုယ်ပိုင်အထက်တန်းကျောင်း ဆောက်လုပ်ခွင့်နဲ့ပတ်သက်ပြီး ဦးဝီရသူ ရှင်းလင်းစဉ်
Photo: Khaymani Win‎/RFA

ဝီရသူ ဖောင်ဒေးရှင်းက ဦးဆောင်တည်ဆောက်နေတဲ့ မဟော်သဓာ အမျိုးသားရေး ကိုယ်ပိုင်အထက်တန်းကျောင်း ဆောက်လုပ်ခွင့်ကို ဒေသအာဏာပိုင်တွေက အခုချိန်ထိ မချပေးတာဟာ တရားမျှတမှုမရှိဘူးလို့ ဦးဝီရသူက ဒီနေ့ မိန့်လိုက်ပါတယ်။

ကျောင်းတည်ဆောက်မယ့် မန္တလေးတိုင်းဒေသကြီး ပုသိမ်ကြီးမြို့နယ် ကျောက်ချောကျေးရွာမှာ ဒီနေ့မနက်က သတင်းစာရှင်းလင်းပွဲမှာ မိန့်ခဲ့တာဖြစ်ပါတယ်။

အဲဒီကျောင်း ဆောက်လုပ်ခွင့်ရရှိဖို့ ခွင့်ပြုမိန့်တင်ထားတာ တစ်နှစ်ကျော်ကြာနေပြီလို့ သိရပါတယ်။

အလားတူ အထက်တန်းကျောင်းတွေကို ရန်ကုန်နဲ့ တောင်ကုတ်မှာ ဖွင့်လှစ်သင်ကြားပေးနေပြီဖြစ်ပြီး ကျောင်းချောကျေးရွာမှာ ၉ တန်း၊ ၁၀ တန်း ကျောင်းသား၊ ကျောင်းသူ ၁၀၀ လောက်ကို ကျူရှင်အနေနဲ့ သင်ကြားပေးနေတာ တစ်နှစ်လောက်ရှိနေပြီဖြစ်ပါတယ်။ အဲဒီလိုသင်ကြားရာကနေ လေးထပ်ဆောင် အဆောက်အဦး ဆောက်လုပ်ပြီး တရားဝင်အထက်တန်းကျောင်း ဆောက်လုပ်ခွင့် တင်တာဖြစ်ပါတယ်။

ဒီသတင်းကို RFA သတင်းထောက် မခေမဏီဝင်း ပေးပို့တာပါ။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။