ရခိုင် ပြဿနာ ဖြေရှင်းရေးမှာ နားလည်မှုစာချွန်လွှာ အရေးကြီးတယ်လို့ UNHCR ပြော


2018.10.08
muslim-resettlement-un-mou-622.jpg ရခိုင်ပြည်နယ်ကနေ နေရပ်စွန့်ခွာသူတွေကို ပြန်လည်လက်ခံရေးလုပ်ငန်းစဉ်ကို အထောက်အပံ့ပြုနိုင်ရေးအတွက် အလုပ်သမား၊ လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီးဌာနနှင့် UNDP ၊ UNHCR တို့ ၂၀၁၈ ဇွန်လ ၆ ရက်နေ့က နားလည်မှုစာချွန်လွှာ လက်မှတ်ရေးထိုးစဉ်
Photo: Myanmar State Counsellor Office

ရခိုင်ပြည်နယ် ပြဿနာဖြေရှင်းရေးမှာ မြန်မာအစိုးရရဲ့ နားလည်မှုစာချွန်လွှာ အရေးကြီးတယ်လို့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR က ပြောပါတယ်။

UNHCR နဲ့ UNDP တို့ရဲ့ ရခိုင်ပြည်နယ်အရေး စုံစမ်းမှုတွေ ပြီးဆုံးသွားခဲ့ပြီးတဲ့နောက် ထုတ်ပြန်ခဲ့တဲ့ အစီရင်ခံစာမှာ ဖော်ပြခဲ့တာပါ။

မြန်မာအနေနဲ့ ဒုက္ခသည်တွေ လုံလုံခြုံခြုံ၊ ဂုဏ်သိက္ခာရှိရှိ ပြန်လာနိုင်ရေးအတွက် လုံလောက် ပြည့်ဝတဲ့ ပတ်ဝန်းကျင်အနေအထား ဖန်တီးပေးဖို့ အရေးကြီးကြောင်း၊ ဒီသဘောတူညီချက် အကောင်အထည်ပေါ်ရေးအတွက် မြန်မာအစိုးရရဲ့ ဦးဆောင်မှုကဏ္ဍဟာ အဓိကကျကြောင်း UNHCR ပြောခွင့်ရပုဂ္ဂိုလ်က ပြောဆိုပါတယ်။

ပြီးခဲ့တဲ့ စက်တင်ဘာလက UNHCR နဲ့ UNDP တို့ ရခိုင်ပြည်နယ်မြောက်ပိုင်းက ကျေးရွာ ၂၃ ရွာ ကို အစပျိုး လေ့လာချက်တွေ စတင်ဆောင်ရွက်ခဲ့ကြပါတယ်။ ကျယ်ကျယ်ပြန့်ပြန့် ကောက်ချက်မချနိုင်သေးပေမယ့် အခုကွင်းဆင်းလေ့လာချက်တွေအရ ဒီဒေသမှာ နေထိုင်ကြသူတွေ ရင်ဆိုင်ရတဲ့ စိန်ခေါ်ချက်တွေနဲ့ ပတ်သက်ပြီး နားလည်လာရတယ်လို့လည်း ဆိုပါတယ်။

ပြီးခဲ့တဲ့ သောကြာနေ့ မနက်ကတော့ UNHCR နဲ့ UNDP အဖွဲ့တွေဟာ မောင်တော၊ ဘူးသီးတောင် နဲ့ ရသေ့တောင်မြို့နယ်တွေမှာ စုံစမ်းလေ့လာရေး ဒုတိယအဆင့်ကို စတင်ခဲ့ကြပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။