UN က ငြိမ်းချမ်းရေးအတွက် ကန်ဒေါ်လာ ၆ သန်းကျော်လှူ

အဲဒီ အမေရိကန်ဒေါ်လာ ၆ သန်းကျော်ကို တစ်နှစ်စာအတွက်သုံးစွဲခွင့် ရရှိတာဖြစ်ကြောင်း ပြောပါတယ်။

အခုလှူဒါန်းမှုဟာ လွတ်လပ်ပြီး မျှတတဲ့ အဖွဲ့အစည်းတွေက လှူဒါန်းတာဖြစ်တဲ့အတွက် ငြိမ်းချမ်းရေးဖြစ်စဉ်ဟာ ဘက်မလိုက်ဘဲ လုပ်ဆောင်နိုင်မှာ ဖြစ်တဲ့လို့ အထောက်အကူဖြစ်ကြောင်း ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့ အစည်းက ဦးကိုကိုကြီးက ပြောပါတယ်။

ဒီကနေ့ ရန်ကုန်မြို့က အမျိုးသားပြန်လည်သင့်မြတ်ရေးနဲ့ ငြိမ်းချမ်းရေး ဗဟိုဌာန NRPC မှာ ကျင်းပတဲ့ ရန်ပုံငွေ လှူဒါန်းတဲ့ အခမ်းအနားကို ပြည်ထောင်စု အဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲ စောင့် ကြည့်ရေး ကော်မတီ ဥက္ကဋ္ဌ ဒုတိယဗိုလ်ချုပ်ကြီး ရာပြည့်၊ ပြည်နယ် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့် ရေးအဖွဲ့တွေ၊ ကမ္ဘာ့ကုလသမဂ္ဂ ဌာနေကိုယ်စားလှယ်တွေ၊ မြန်မာနိုင်ငံဆိုင်ရာကမ္ဘာ့ကုလသမဂ္ဂ ဖွံ့ဖြိုးမှု အဖွဲ့ UNDP ကိုယ်စားလှယ်တွေနဲ့ ငြိမ်းချမ်းရေး လုပ်ငန်း ဆောင်ရွက်နေတဲ့ အဖွဲ့အစည်းမှာ ပါဝင်သူတွေ တက်ရောက်ခဲ့ကြပါတယ်။