နမ့်ခမ်းမြို့နယ်မှာ တိုက်ပွဲဖြစ်ပွား
ရှမ်းပြည်နယ်မြောက်ပိုင်း နမ့်ခမ်းမြို့နယ် ဆေးရုံကုန်းအနီးက ဟိုနားကျေးရွာမှာ မနေ့က ညနေ ၆ နာရီလောက်မှာ အစိုးရတပ်မတော်နဲ့ ပလောင်ပြည်နယ်လွတ်မြောက်ရေးတပ် TNLA တို့ တိုက်ပွဲဖြစ်ပွားခဲ့ရာ ဒေသခံတချို့ ဒဏ်ရာရရှိခဲ့ပြီး လားရှိုးဆေးရုံမှာ ရွာသား ၂ ဦး ဆေးကုသမှုခံယူနေ ရပါတယ်။
-
2016-08-26 -
-
-
ရှမ်းပြည်နယ်မြောက်ပိုင်း နမ့်ခမ်းမြို့နယ် ဆေးရုံကုန်းအနီးက ဟိုနားကျေးရွာမှာ မနေ့က ညနေ ၆ နာရီလောက်မှာ အစိုးရတပ်မတော်နဲ့ ပလောင်ပြည်နယ်လွတ်မြောက်ရေးတပ် TNLA တို့ တိုက်ပွဲဖြစ်ပွားခဲ့ရာ ဒေသခံတချို့ ဒဏ်ရာရရှိခဲ့ပြီး လားရှိုးဆေးရုံမှာ ရွာသား ၂ ဦး ဆေးကုသမှုခံယူနေရပါတယ်။
လားရှိုးဆေးရုံကို ရောက်ရှိနေတဲ့ နမ့်ခမ်းမြို့နယ် ဟိုနားရွာသား ကိုမိုင်းလုမ်းအောင်က ၂ယောက်စလုံးဟာ လက်နက်ကြီးထိမှန်တာလို့ ပြောပါတယ်။
နှစ်ဖက်တိုက်ပွဲအတွင်း အပြန်အလှန်ပစ်ခတ်မှုတွေကြောင့် ပန်လော်ကျေးရွာ၊ ကောင်တပ်ကျေးရွာတွေမှာလည်း လက်နက်ကြီးတွေ ကျရောက်ခဲ့တယ်လို့ပြောပါတယ်။
တိုက်ပွဲဖြစ်ပွားတဲ့နေရာဟာ နမ့်ခမ်းမြို့နဲ့ တစ်မိုင်ခန့်သာကွာဝေးတယ်လို့ဒေသခံက ပြောပါတယ်။
TNLA က ဗိုလ်မှူးကြီး တာဖုန်းကျော်ကို ဆက်သွယ်မေးမြန်းခဲ့ရာမှာ နမ့်ခမ်းမြို့နားမှာ အစိုးရတပ်မတော်နဲ့ တိုက်ပွဲဖြစ်ပွားခဲ့တယ်လို့ အတည်ပြုပြောပါတယ်။