ထိုင်းရောက် ရှမ်းတွေကို ဇာတိမြေပြန်ဖို့ ဒေါက်တာ စိုင်းမောက်ခမ်း တိုက်တွန်း

ဒေါက်တာ စိုင်းမောက်ခမ်း က ရှမ်းပြည်နယ်အတွင်း ဖွံ့ဖြိုးတိုးတက်ဖို့အတွက် ထိုင်းနိုင်ငံတွင်း လေ့လာသင်ယူ ထားရမှုတွေ အသိပညာ အတတ်ပညာတွေနဲ့ ရှမ်းပြည်မှာ ပြန်လာလုပ်ကြဖို့အတွက် ရှမ်းဘာသာစကားနဲ့ တိုက်တွန်းပြောဆိုခဲ့ပါတယ်။

သူ့ပြောစကားနဲ့ ပတ်သက်ပြီး သတင်းထောက်တွေကို ဒေါက်တာ စိုင်းမောက်ခမ်း ခုလို ပြန်လည်ပြောကြား ပါတယ်။

"ဒီဘက်မှာလာပြီးတော့မှ အလုပ်လုပ်တယ်ဆိုတော့ သူတို့က တကယ်လို့ ဒီမှာ ပညာတွေသင်ရတယ် ဆိုလို့ရှိရင် ဟိုမှာလည်း ပြန်သွားပြီးတော့ အကျိုးပြုဖို့ အဲ့ဒါ ပြောတာပါ"

ဒေါက်တာ စိုင်းမောက်ခမ်း ဟာ ထိုင်းနိုင်ငံ ဘန်ကောက်မြို့က မဟာ ချူလာလောင်ကွန်း တက္ကသိုလ်မှာ ဂုဏ်ထူးဆောင်ပါရဂူ Honorary PhD ဘွဲ့ကို မေလ ၁၅ ရက်နေ့ သွားရောက်ရယူမယ်လို့ သိရပါတယ်။

ပြီးခဲ့တဲ့ USDP ယခင်အစိုးရလက်ထက်မှာ ဒုသမ္မတဖြစ်ခဲ့တဲ့ ဒေါက်တာ စိုင်းမောက်ခမ်း ဟာ ၂၀၁၅ အထွေထွေရွေးကောက်ပွဲမှာ USDP ပါတီရဲ့ လားရှိုးမြို့နယ် ပြည်သူ့လွှတ်တော်ကိုယ်စားလှယ်အဖြစ် ရွေးချယ် ခံခဲ့ရပါတယ်။