ဆက်သွယ်ရေးဥပဒေ ပြင်ဆင်ရေး လှုပ်ရှားမှု တားမြစ်ခံရ
2016.11.04
မောင်ဆောင်းခ ဦးဆောင်တဲ့ ဆက်သွယ်ရေးဥပဒေ အမြန်ဆုံး ပြင်ဆင်ပေးရေးကော်မတီကို နိုဝင်ဘာလ ၄ ရက်နေ့က ဇမ္ဗူသီရိမြို့နယ် ရဲတပ်ဖွဲ့က တားဆီးခဲ့စဉ်
နေပြည်တော် ဇမ္ဗူသီရိမြို့နယ်တရားရုံးမှာ ဒီနေ့ ပြုလုပ်မယ့် ဆက်သွယ်ရေးဥပဒေ ပြင်ဆင်ရေးလှုပ်ရှားမှုကို မြို့နယ်ရဲတပ်ဖွဲ့က တားဆီးခဲ့ပါတယ်။
အမျိုးသားဒီမိုကရေစီအဖွဲ့ချုပ် NLD ပါတီရဲ့ တံဆိပ်တုံးအတုနဲ့ ဦးဝင်းထိန်ကို ပါတီကနေ အနားပေးကြောင်း ကြေ ညာချက်ကို ဖေ့စ်ဘွတ်မှာ တင်ခဲ့တာကြောင့် ဆက်သွယ်ရေးဥပဒေ ပုဒ်မ ၆၆ (ဃ) နဲ့ တရားစွဲဆိုခံထားရတဲ့ မုံရွာမြို့က NLD ပါတီဝင် ဦးဖိုးထောင် ကို ဒီနေ့ ဇမ္ဗူသီရိမြို့နယ်တရားရုံးမှာ ရုံးထုတ်တာဖြစ်ပါတယ်။
ဦးဖိုးထောင်ရဲ့ ရုံးချိန်းမှာ အဲဒီဥပဒေပြင်ဆင်ပေးဖို့ လှုပ်ရှားမှု ပြုလုပ်ဖို့စီစဉ်ထားပေမယ့်လည်း သက်ဆိုင်ရာ အာဏာပိုင်တွေက ခွင့်မပြုတာကြောင့် ဦးဖိုးထောင် ကို တွေ့ဆုံပြီး ပြန်လာခဲ့ရတယ်လို့ မောင်ဆောင်းခ က ပြောပါတယ်။
ဆက်သွယ်ရေးဥပဒေပုဒ်မ ၆၆ (ဃ) ပြင်ဆင်ရေးကို လူစုလူဝေးနဲ့ လုပ်မယ်ဆိုရင် ငြိမ်းစုစီဥပဒေအရ ၄၈ နာရီ ကြိုတင်အသိပေးတောင်းခံဖို့ လိုအပ်ကြောင်း ဇမ္ဗူသီရိမြို့နယ် ရဲတပ်ဖွဲ့မှူး ရဲမှူးဆန်းအောင်က ပြောပြီး တားမြစ်ခဲ့တာဖြစ်ပါတယ်။
ကဗျာဆရာ မောင်ဆောင်းခ ဦးဆောင်ပြီး ဆက်သွယ်ရေးဥပဒေ ပြင်ဆင်ရေးအတွက် ဇမ္ဗူသီရိမြို့နယ် တရားရုံးရှေ့မှာ လက်ကမ်းစာစောင်တွေ ဖြန့်ဝေဖို့ စီစဉ်ထားတာဖြစ်ပါတယ်။
ဖတ်ရှုသူအများဆုံး သတင်းများ။
RFA
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- မန္တလေး Sky Villa ကွန်ဒိုက ရှာတွေ့တဲ့ ရုပ်အလောင်း ၁၀၀ ကျော်ရှိလာ