လေပြင်းကြောင့် ဟင်္သာတခရိုင်မှာ အိမ်တွေ ပျက်စီး

"လေပြင်းက ခဏပဲတိုက်သွားတာ ဟသာၤတခရိုင်ထဲမှာ ဟသာၤတရယ်၊ အင်္ဂပူ၊ လေးမျက်နှာ၊ ဇလွန်မြို့တွေမှာ ပျက်စီးသွားခဲ့တာပေါ့၊ လူမှုကယ်ဆယ်ရေး နဲ့ ပြန်လည်နေရာချထားရေးဝန်ကြီးဌာနက ထောက်ပံ့ပေးတာပေါ့၊ ဆန်ရိက္ခာရယ်၊ အိမ်ဆောက်ပစ္စည်းရယ်ပေါ့"

လေပြင်းတိုက်တဲ့အတွက် ဟသာၤတခရိုင်အတွင်းက အင်္ဂပူမြို့နယ်မှာ နေအိမ် ၈၇ လုံး၊ ဇလွန်မြို့နယ်မှာ နေအိမ် ၆၄ လုံး၊ လေးမျက်နှာမြို့နယ်မှာ နေအိမ် ၁၄ လုံး၊ ဟသာၤတမြို့နယ်မှာ နေအိမ် ၂ လုံးနဲ့ ဘုန်းကြီးကျောင်း ၁ ကျောင်း ပျက်စီးသွားခဲ့တာဖြစ်ပါတယ်။

နေအိမ်ပျက်စီးခဲ့တဲ့ အိမ်ထောင်စုတွေဟာ နီးစပ်ရာ ဆွေမျိုးတွေရဲ့ နေအိမ်တွေမှာနေထိုင်နေကြပြီး အချို့ကတော့ ပျက်စီးသွားခဲ့တဲ့ နေအိမ်တွေမှာပဲ ဆက်လက် နေထိုင်နေတယ်လို့ ပြောပါတယ်။

လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေး ဝန်ကြီးဌာနအနေနဲ့ လုံးဝပျက်စီးသွားခဲ့တဲ့ သစ်အိမ်တစ်လုံးကို နှစ်သိန်းနှုန်း၊ ဝါးအိမ်တစ်လုံးကို တစ်သိန်းနှုန်း၊ ဘာသာရေးအဆောက်အဦး တစ်ခုကို ၃ သိန်းနှုန်း၊ တစ်စိတ်တစ်ပိုင်းပျက်စီးနဲ့ နေအိမ်တွေကို တစ်သိန်းနှုန်းနဲ့ ဘာသာရေး အဆောက်အဦးတစ်ခုကို တစ်သိန်းနှုန်းစီ ထောက်ပံ့ပေးအပ်မယ်လို့ သိရပါတယ်။