ကျောင်းပေါင်းစုံ ပညာရေးသပိတ်အဖွဲ့ဝင် ခြောက်ယောက် အဖမ်းခံရ
မန္တလေးမြို့က စစ်အာဏာရှင်ဆန့်ကျင်ရေး ဆန္ဒပြတဲ့ ပညာရေးကျောင်းပေါင်းစုံ သပိတ်စစ်ကြောင်းကို တွေ့ရစဉ်
Photo: CJ
မန္တလေးမြို့ ပညာရေးကျောင်းပေါင်းစုံ သပိတ်စစ်ကြောင်းက လူငယ် ခြောက်ယောက်ကို စစ်ကောင်စီ တပ်တွေက အောက်တိုဘာလ ၃၀ ရက် မနေ့ညပိုင်းမှာ စစ်ကောင်စီတပ်သားတွေက ဖမ်းဆီးသွားတယ်လို့ သိရပါတယ်။
သူတို့ ခြောက်ယောက်ကို မနေ့က ည ၁၀ နာရီအချိန်၊ မန္တလေးမြို့ပေါ်မှာ စစ်ကောင်စီတပ်သားတွေက ဖမ်းဆီးခဲ့တာလို့ အခြေခံပညာရေးဝန်ထမ်းများ အထွေထွေသပိတ်ကော်မတီက အမည်မဖော်လိုသူ တစ်ယောက်က RFA ကို ပြောပါတယ်။
ရန်ကုန်ပညာရေး တက္ကသိုလ်ကျောင်းသားများ သမဂ္ဂရဲ့ ဥက္ကဋ္ဌဟောင်း၊ ဗကသများအဖွဲ့ချုပ် ဗဟိုအမှုဆောင် အဖွဲ့ဝင်ဟောင်း ကိုနောင်ထက်အောင်၊ မန္တလေးတက္ကသိုလ် ကျောင်းသားများသမဂ္ဂက ကိုရန်စိုးပိုင်၊ အခြေခံ ပညာ ပညာရေးဝန်ထမ်းများ အထွေထွေသပိတ်ကော်မတီက ဒေါ်သက်ဆုလှိုင်၊ ဦးနိုင်းသီဟကျော်နဲ့ တခြား အမည်မသိရသေးတဲ့ နှစ်ယောက်တို့ ပါဝင်တယ်လို့ ရန်ကုန်ပညာရေး တက္ကသိုလ် ကျောင်းသားများသမဂ္ဂနဲ့ အခြေခံပညာရေးဝန်ထမ်းများ အထွေထွေ သပိတ်ကော်မတီတို့က အသီးသီး သတင်းထုတ်ပြန်ထားကြ ပါတယ်။
ဖမ်းဆီးခံရလိုက်သူတွေကို စစ်ကောင်စီတပ်တွေက ဘယ်နေရာမှာ ဖမ်းဆီးထားမှန်း မသိရှိရသေးသလို အသက်အန္တရာယ်နဲ့ လုံခြုံရေးအတွက် စိုးရိမ်ရတဲ့ အနေအထားဖြစ်တယ်လို့ သက်ဆိုင်ရာ ကျောင်းသားသမဂ္ဂ တွေနဲ့ သပိတ်ကော်မတီတို့က ထုတ်ပြန်ထားကြပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ