စစ်တွေဆန္ဒပြပွဲ ဦးဆောင်သူကို ငြိမ်းစုစီ ဥပဒေနဲ့ အမှုဖွင့်


2018.11.30
sittwe-monks-protest-622.jpg ရခိုင်ပြည်နယ်မှာ မွတ်စလင်တွေကို ကမန်တိုင်းရင်းသားအမည်နဲ့ မှတ်ပုံတင်ထုတ်ပေးတာ၊ လက်ထောက်ကျောင်းဆရာတွေအဖြစ် ခန့်အပ်ဖို့ စီစဉ်နေတာတွေကို ကန့်ကွက်ကြောင်း ၂ဝ၁၈ ခုနှစ် နိုဝင်ဘာလ ၂၅ ရက်နေ့က စစ်တွေမြို့မှာ ဆန္ဒပြခဲ့စဉ်
Photo: Min Thein Aung/RFA

ရခိုင်ပြည်နယ် စစ်တွေမြို့မှာ ပြီးခဲ့တဲ့ နိုဝင်ဘာလ ၂၅ ရက်နေ့ကပြုလုပ်ခဲ့တဲ့ မွတ်စလင် ပြန်လည်လက်ခံရေးနဲ့ ကမန်နိုင်ငံသားကတ်ကိစ္စကို ကန့်ကွက် ဆန္ဒပြခဲ့တာနဲ့ပတ်သက်ပြီး ခွင့်ပြုချက်လျှောက်လွှာတင်ခဲ့သူ ဒေါ်အေးသီတာကို မြို့နယ်အထွေထွေအုပ်ချုပ်ရေး ဦးစီးဌာနက ငြိမ်းစုစီဥပဒေနဲ့ အမှုဖွင့်ထားပါတယ်။

ဆန္ဒပြပွဲမှာ အသေးစားစပီကာတစ်ခုကို ခွင့်ပြုချက်မရှိဘဲ အသုံးပြုခဲ့တယ်ဆိုပြီး ငြိမ်းစုစီဥပဒေပုဒ်မ-၂၀ နဲ့ အမှုဖွင့်ထားတယ်ဆိုတဲ့အကြောင်း စစ်တွေမြို့ အမှတ်(၂ )ရဲစခန်းမှူးက မနေ့က ပြောဆိုခဲ့တယ်လို့ ဒေါ်အေးသီတာက ပြောပါတယ်။

အမှုဖွင့်ခံထားရတဲ့ကိစ္စနဲ့ပတ်သက်ပြီး လောလောဆယ် တစ်စုံတစ်ရာ ဖြေရှင်းချက်တောင်းတာတော့ မရှိသေးဘူးလို့ ပြောပါတယ်။

မွတ်စလင်တွေကို ကမန်တိုင်းရင်းသားအမည်နဲ့ မှတ်ပုံတင်ထုတ်ပေးတာ၊ လက်ထောက်ကျောင်းဆရာတွေအဖြစ် ခန့်အပ်ဖို့ စီစဉ်နေတာတွေကို ကန့်ကွက်ကြောင်း စစ်တွေမြို့မှာ သံဃာတော်တွေနဲ့ ဒေသခံတွေက နိုဝင်ဘာလ ၂၅ ရက်နေ့က ဆန္ဒပြတောင်းဆိုခဲ့ကြတာဖြစ်ပါတယ်။

ဒီသတင်းကို RFA သတင်းထောက် ကိုမင်းသိန်းအောင် ပေးပို့တာပါ။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။