ရွှေအပြင် မြသဘာဝဓာတ်ငွေ့ စီမံကိန်းကပါ သဘာဝဓာတ်ငွေ့ ထွက်ရှိ

မြန်မာနိုင်ငံ ရွှေသဘာဝဓာတ်ငွေ့ စီမံကိန်းရဲ့ အစိတ်အပိုင်းတစ်ခုဖြစ်တဲ့ Mya North ခေါ် အနောက်ဘက် မြသဘာဝဓါတ်ငွေ့ လုပ်ကွက်ကနေ ဓာတ်ငွေ့တွေ စတင်ထုတ်ယူနေပြီလို့ တောင်ကိုရီးယား ဒေဝူးကာ်ပိုရေးရှင်းက ပြောပါတယ်။

မြသဘာဝဓါတ်ငွေ့တွင်း ၄ တွင်းကို မနှစ်က တူးခဲ့တာဖြစ်ပြီး စုစုပေါင်းတစ်ရက်ကို ဓါတ်ငွေ့ကုဗပေသန်းပေါင်း ၁၂ဝ ထုတ်လုပ်နိုင်မယ်လို့ ခန့်မှန်းထားပါတယ်။

ရွှေသဘာဝဓါတ်ငွေ့စီမံကိန်း လုပ်ငန်းစုတူးဖေါ်မှုတွေဟာ ၂၀၁၄ နှစ်ကုန်ပိုင်းမှာ အပြီးသတ်မှာဖြစ်ပါတယ်။ ရွှေသဘာဝဓါတ်ငွေ့စီမံကိန်း လုပ်ငန်းစုကနေ စုစုပေါင်းတစ်ရက်ကို ဓါတ်ငွေ့ပမာဏ ကုဗပေ သန်းပေါင်း ၅ဝဝ ထုတ်လုပ်နိုင်မယ်လို့ ဒေဝူးကော်ပိုရေးရှင်းက ဆိုပါတယ်။

ရွှေစီမံကိန်းက ထွက်ရှိတဲ့ဓါတ်ငွေ့တွေကို တရုတ်အမျိုးသားရေနံကော်ပိုရေးရှင်း CNPC က ပိုက်လိုင်းကတစ်ဆင့် ဝယ်ယူမှာဖြစ်ပါတယ်။

မြန်မာနိုင်ငံက ရွှေ၊ ရွှေဖြူ နဲ့ မြသဘာဝဓါတ်ငွေ့လုပ်ကွက်တွေမှာ ဓာတ်ငွေ့သယံဇာတ ပမာဏစုစုပေါင်းကုဗပေ ကုဋေပေါင်း လေးသောင်းခွဲလောက်ရှိမယ်လို့ တရုတ်အမျိုးသားရေနံကော်ပိုရေးရှင်း CNPC က ခန့်မှန်းထားပါတယ်။

ရွှေဓာတ်ငွေ့စီမံကိန်းမှာ ဒေဝူးက ၅၁ ရာနှုန်း၊ အိန္ဒိယရေနံနဲ့ ဓာတ်ငွေ့ကုမ္ပဏီ ONGC က ၁၇ ရာခိုင်နှုန်း၊ မြန်မာ့ရေနံနဲ့ ဓာတ်ငွေ့ကော်ပိုရေးရှင်းက ၁၅ ရာခိုင်နှုန်း၊ အိန္ဒိယ GAIL နဲ့ ကိုရီးယား ဓာတ်ငွေ့ကော်ပိုရေးရှင်းတို့က ၈.၅ ရာခိုင်နှုန်းစီ အသီးသီးမြှုပ်နှံထားကြပါတယ်။