အာဏာရှင်သမတ မူဘာရက် ရာထူးက နုတ်ထွက် ခဲ့ရတဲ့ အီဂျစ်နိုင်ငံရေးနဲ့ ပတ်သက်ပြီးံ အမေရိကန် သတင်းမီဒီယာတွေနဲ့ တွေ့ဆုံမေးမြန်းခန်းအပြီး RFA က မေးမြန်းရာမှာ မစ္စတာ မက်ကိန်းက အဲဒီလို ပြောကြားလိုက်တာ ဖြစ်ပါတယ်။
အီဂျစ်နိုင်ငံ ပြည်သူတွေက ပြလိုက်တဲ့ သတင်းစကားဟာ ဖိနှိပ်အုပ်ချုပ်နေတဲ့ အာဏာရှင် မြန်မာ ခေါင်းဆောင်တွေဆီလည်း ရောက်ရှိသွားလိမ့်မယ်လို့ မျှော်လင့်ကြောင်း၊ တူနီးရှား နိုင်ငံက စတင်လိုက်တဲ့ ဒီမိုကရေစီ အရေးတော်ပုံဟာ အီဂျစ်နဲ့ တခြား အရှေ့အလယ်ပိုင်း နိုင်ငံတွေဆီ ပျံ့နှံ့နေသလို တကမ္ဘာလုံးကို ပျံ့နှံ့သွားမယ်လို့ ယုံကြည်မျှော်လင့်ကြောင်း၊ အဲဒီကနေ မြန်မာပြည်သူတွေအနေနဲ့ နှစ်ပေါင်းများစွာ ခံစားခွင့် မရခဲ့တဲ့ လူ့အခွင့်အရေးနဲ့ လွတ်လပ်ခွင့်တွေ ပြန်လည်ရရှိမယ်လို့ မျှော်လင့်ကြောင်း မစ္စတာမက်ကိန်းက ပြောဆိုသွားခဲ့ပါတယ်။
ဒေါ်အောင်ဆန်းစုကြည်နဲ့ ပတ်သက်လို့ ပြောကြားရာမှာ မစ္စတာမက်ကိန်းက ဒေါ်အောင်ဆန်း စုကြည်ဟာ မိမိတို့ခေတ်မှာ ပေါ်ပေါက်လာတဲ့ သူရဲကောင်းတဦး ဖြစ်ကြောင်း၊ သူ့အနေနဲ့ ဒေါ်အောင်ဆန်းစုကြည်နဲ့ တကြိမ် တွေ့ဆုံခဲ့ဖူးပြီး နောက်ထပ် ဆုံတွေ့နိုင်ဖို့လည်း မျှော်လင့်ကြောင်း ပြောကြားသွားပါတယ်။
၂၀၀၈ ခုနှစ် ရီပါဘလီကင်ပါတီ သမတလောင်း ဖြစ်ခဲ့သူ အရီဇိုးနားပြည်နယ် အထက် လွှတ်တော် အမတ် မစ္စတာမက်ကိန်းဟာ မြန်မာ့အရေးမှာ ရှေ့တန်းက ဆောင်ရွက်သူ အမေရိကန်ခေါင်းဆောင်တဦး ဖြစ်ပါတယ်။