ရခိုင်ပြည်နယ် မောင်တောမြို့နယ်မှာ အကြမ်းဖက် သမားတွေ ဝင်ရောက်လာနိုင်တယ်ဆိုတဲ့ သတင်းတွေကြောင့် ဒီရက်ပိုင်းတွေအတွင်း လုံခြုံရေးတွေ တင်းကျပ်ထားတယ်လို့ စစ်ဘက် လုံခြုံရေးအရာရှိတစ်ဦးက ပြောပါတယ်။
မြန်မာ-ဘင်္ဂလားဒေ့ရ်ှ နယ်စပ်တလျှောက်နဲ့ လူဝင် လူထွက်ဂိတ်တွေမှာ လုံခြုံရေးအင်အား တိုးမြင့်ချထား ပြီး မြို့နယ်အုပ်ချုပ်ရေးအဖွဲ့က မောင်တောမြို့ပေါ်မှာ ရှိတဲ့ အစိုးရဌာနဆိုင်ရာရုံးတွေကို လုံခြုံရေးသတိထား ကြဖို့ အကြောင်းကြားထားတယ်လို့လည်း သိရပါတယ်။
ပြီးခဲ့တဲ့ မေလ ၄ ရက်နေ့ညနေက မြန်မာ-ဘင်္ဂလားဒေ့ရ်ှ နယ်စပ်မှတ်တိုင် အမှတ် ၅၂ နဲ့ ၅၃ ကြားမှာ မွတ်စလင် လက်နက်ကိုင်အချို့နဲ့ နယ်ခြားစောင့် လုံခြုံရေးတပ်ဖွဲ့တို့အကြား တိုက်ပွဲဖြစ်ပွားခဲ့ပြီးနောက်ပိုင်း အခုလို လုံခြုံရေးတင်းကျပ်ထားတာ လို့လည်း သိရပါတယ်။