ရိုက်တာ သတင်းထောက်တွေကို လွှတ်ပေးဖို့ ရှေ့နေ လျှောက်ထား

သက်သေထွက်ဆိုချက်တွေ မပြည့်စုံတဲ့အတွက် ဖမ်းဆီးခံထားရတဲ့ ရိုက်တာ သတင်းထောက် ၂ ဦးကို လွှတ်ပေးဖို့ တရားရုံးတော်ကို သတင်းထောက် ၂ ဦးရဲ့ ရှေ့နေတွေက လျှောက်ထားခဲ့ပါတယ်။

ဒီကနေ့ ရန်ကုန်မြောက်ပိုင်းခရိုင် အင်းစိန်တရားရုံးမှာ ရိုက်တာ သတင်းထောက် နှစ်ဦးအမှုကို စစ်ဆေးပြီးနောက် သတင်းထောက်နှစ်ဦးရဲ့ ရှေ့နေ ဦးခင်မောင်ဇော်က တရားရုံးတော်မှာ လျှောက်ထားခဲ့တာနဲ့ ပတ်သက်ပြီး အခုလိုပြောပါတယ်။

"စွဲချက်မတင်ဘဲနဲ့ လွှတ်ပေးဖို့ ရာဇဝတ်ကျင့်ထုံးဥပဒေ ပုဒ်မ ၃၅၂ အရ ကျနော်လျှောက်တာ၊ ကနဦးသက်သေခံ ချက်တော့ မပေါ်ပေါက်ဘူး၊ ဒီအဆင့်အထိ ၂၅ ယောက်မှာ ၁၇ ယောက်စစ်ပြီးပြီ၊ စွဲချက်လျှောက်လဲ ချက်တွေပေးတဲ့အထိ သက်သေကုန်တဲ့အထိမစစ်ဘဲနဲ့ အခုအဆင့်မှာတင် လွှတ်ပေးပါလို့ ကျနော်တောင်းတာပါ"

အဲဒီလျှောက်ထားချက်နဲ့ လာမယ့် ဧပြီလ ၄ ရက်နေ့မှာ ကြားနာမှာဖြစ်ပြီး ဧပြီလ ၁၁ ရက်နေ့မှာ အမိန့်ချမှာ ဖြစ်ပါတယ်။

ဒီနေ့အထိ တရားလိုပြသက်သေ ၁၈ ဦးကို စစ်ဆေးပြီးဖြစ်ပါတယ်။