ပူတာအိုမှာ လောင်စာဆီဈေးနှုန်း ၇ ဆ မြင့်တက်


2018.03.01
putao-road-622 မြစ်ကြီးနား-ဆွမ်ပရာဘွမ်-ပူတာအိုလမ်းပိုင်းတွေ KIA အဖွဲ့က ဖျက်ဆီးထားတာကို ၂ဝ၁၈ ခုနှစ် ဇန်နဝါရီ ၂၉ ရက်နေ့က တွေ့ရစဉ်
ဓါတ်ပုံ - တပ်မတော်ကာကွယ်ရေးဦးစီးချုပ်ရုံး
ကချင်ပြည်နယ် ပူတာအိုနဲ့ ဆွမ်ပရာဘွမ်မှာ စစ်ပွဲတွေကြောင့် လမ်းပန်းဆက်သွယ်ရေးပြတ်နေပြီး လောင်စာ ဆီ ဈေးနှုန်းတွေ ၇ ဆလောက် တက်နေတယ်လို့ ဒေသခံတွေကပြောပါတယ်။

ဓါတ်ဆီကို မြစ်ကြီးနားကနေ မော်တော်ဆိုင်ကယ်တွေ နဲ့ သယ်ယူနေရပါတယ်။ လမ်းတလျောက် တံတားတွေ ပျက်နေပြီး မြေမြှုပ်မိုင်းတွေရှိတာကြောင့် မြစ်ကြီးနား၊ ပူတာအို မိုင်၂၀၀ခရီးကို ၅ရက်လောက်သွားရပါတယ်။

ဆန်ဈေးသိပ်မတက်ပေမဲ့ လောင်စာဆီဈေး တက်သွားတယ်လို့ ပူတာအိုမြို့ခံ ကျောင်းဆရာ ဦးချိန်ဆာပေါ က ပြောပါတယ်။

"ဓါတ်ဆီတစ်ခုပဲ မထင်မှတ်တဲ့ အတိုင်းအတာအထိ တက်သွားတာပေါ့နော်၊ ဓါတ်ဆီက ပုံမှန်အခြေအနေမှာ တစ်ပုလင်းကို တစ်ထောင်နဲ့ ဝယ်နေရတာ၊ အခုလက်ရှိမှာ တစ်ပုလင်းကို ၇ထောင်အထိဝယ်နေရတယ်၊ ဒါတောင် နေရာတကာမှာမရှိဘူး၊ ပစ္စည်းပြတ်နေတာပေါ့၊ ဆန်ကတော့ တစ်ထောင်ဖိုးကို နို့ဆီဘူး ၆ ဘူးရတယ်၊ အခုကျတော့ ၄ ဘူးပဲရတော့တယ်"

ဒေသတွင်း ထွက်ဆန်တွေ ရှိနေတာကြောင့် ဆန်ဈေးသိပ်မတက်တာဖြစ်သလို အာဏာပိုင်တွေက လေယာဉ်နဲ့ ရိက္ခာပို့ပေးတာလည်းရှိတယ်လို့ဆိုပါတယ်။

ဆွမ်ပရာဘွမ်မှာလည်း အလားတူ လောင်စာဆီဈေးတွေတက်နေပြီး ရောင်းချတဲံဆိုင်မရှိဖြစ်နေတယ်လို့ ဆိုပါတယ်။ ဆွမ်ပရာဘွမ်မှာ ဆန်ဈေးက တအိတ် ကို ကျပ် ၈ သောင်းဖြစ်ပါတယ်။

ပြည်ထောင်စုလွှတ်တော်မှာ ဖေဖဝါရီလ ၂၇ရက်နေ့က ဆောက်လုပ်ရေး ဒုတိယဝန်ကြီးက မြစ်ကြီးနား ပူတာအိုလမ်းကို သီတင်းနှစ်ပတ်အတွင်း ပြန်ဖွင့်နိုင်အောင် ဆောင်ရွက်မယ်လို့ပြောပါတယ်။
ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။