ဒီလို နိုင်ငံရေးအကျဉ်းသားဟောင်းတွေ စုစည်းနိုင်မယ်ဆိုရင် ကျန်ရှိနေတဲ့ နိုင်ငံရေးအကျဉ်းသားတွေရဲ့ အရေအတွက်ကို တိတိကျကျသိရှိနိုင်ပြီး အခြားလှုပ်ရှားမှုတွေလည်း တစ်စုတစ်စည်းထဲ လုပ်လာနိုင်မယ်လို့ ကော်မတီ အဖွဲ့ဝင် ကိုညိုထွန်းက RFA ကို ပြောပါတယ်။ ဒီကနေ့ပွဲကို နိုင်ငံရေးအကျဉ်းသားဟောင်းများ အဖွဲ့ချုပ်က ဦးဆောင်ကျင်းပတာ ဖြစ်ပြီး နိုင်ငံရေး အကျဉ်းသားဟောင်း (၁၅၀)ကျော် တက်ရောက်ခဲ့ပါတယ်။
ဒီကနေ့ အခမ်းအနားမှာ အမျိုးသားဒီမိုကရေစီ အဖွဲ့ချုပ်က ဘုန်းတော်ကြီးသင်ပညာရေး ကျောင်းတွေနဲ့ ဆင်းရဲ့တဲ့ အခြေခံကျောင်း (၁၁)ကျောင်း ကို ကျပ် (၇၂) သိန်းဖိုး စာရေးကိရိယာပစ္စည်းတွေ လှူဒါန်းခဲ့ပါတယ်။