သိမ်းဆည်းခံ လယ်မြေဧက ၁ဝဝ ကျော် ပြန်ရဖို့ စစ်တွေမြို့ခံတွေ တောင်းဆို

''ကျွန်တော်တို့ ဆန္ဒဖော်ထုတ်တာရာမှာ အချက် ၄ ချက်ပါပါတယ်၊ သိမ်းဆည်းခံလယ်မြေပြန်လည် ရရှိရေး၊ လယ်မြေပေါ် ကျူးကျော်အဆောက်အဦးများ ဖယ်ရှားပေးရေး၊ ပြည်နယ်လွှတ်တော် ဥက္ကဌ နှုတ်ထွက်ပေးရေး၊ လွှတ်တော်လယ်မြေစိစစ်ရေးအဖွဲ့ ပြန်လည်အသစ်ဖွဲ့စည်းပေးရေးဖြစ် ပါတယ်''

အဲဒီလယ်မြေတွေကို ပြီးခဲ့တဲ့ စစ်အစိုးရလက်ထက်က သိမ်းဆည်းခဲ့တာဖြစ်ပေမယ့် ၂၀၁၃ ခုနှစ်လောက်အထိ လုပ်ကိုင်ခွင့်ရခဲ့ပေမယ့် ပြီးခဲ့တဲ့ ဦးသိန်းစိန်အစိုးရလက်ထက်မှာတော့ စက်မှုရပ်ကွက်အဖြစ် အကောင် အထည်ဖော်တယ်ဆိုပြီး ခြံစည်းရိုးခတ်တာ၊ အဆောက်အဦးဆောက်တာတွေ လုပ်လာတယ်လို့ ဆန္ဒပြသူတွေက ပြောပါတယ်။

ဆတ်ရိုးကျ စက်မှုရပ်ကွက်အဖြစ် သိမ်းဆည်းထားတဲ့ မြေယာတွေထဲက ဧကအတော်များများကို အရင် ရခိုင်ပြည်နယ်အစိုးရ တာဝန်ရှိသူတွေနဲ့ ဌာနဆိုင်ရာအကြီးအကဲတွေက မြေကွက်တွေရိုက်ပြီး အသီးသီး ခွဲဝေယူခဲ့ကြတာဖြစ်တယ်လို့ သိရပါတယ်။