ကုမ္ပဏီတွေဆီကနေ ရွှေစင်ကြွေး ကျန် ၁၄၅ ပိဿာကျော်ရရန်ရှိ
2017.05.31
ပြည်ထောင်စုဝန်ကြီး ဦးအုန်းဝင်းကို မေလ ၃၁ ရက်နေ့က ကျင်းပတဲ့ ပြည်သူ့လွှတ်တော် အစည်းအဝေးတွင် တွေ့ရစဉ်
သယံဇာတနဲ့ သဘာဝပတ်ဝန်းကျင်ဝန်ကြီးဌာန လက်အောက်က အမှတ် (၂) သတ္ထုတွင်းလုပ်ငန်းအနေနဲ့ ၂၀၁၇ ခုနှစ် မတ်လ ၃၁ ရက်နေ့အထိ ကုမ္ပဏီတွေထံနေ ရွှေစင်ကြွေးကျန် ၁၄၅ ပိဿာကျော်ရရှိဖို့ ကျန်ရှိနေကြောင်း ပြည်ထောင်စုဝန်ကြီး ဦးအုန်းဝင်းက ပြည်သူ့လွှတ်တော် ပြောဆိုသွားပါတယ်။
လှိုင်းဘွဲ့မဲဆန္ဒနယ် ပြည်သူ့လွှတ်တော်ကိုယ်စားလှယ် ဦးခင်ချိုရဲ့ မြေအောက်သယံဇာတများ ထုတ်ယူရရှိမှု အခြေအနေ၊ ကြွေးကျန်အခြေအနေနဲ့ တရားမဝင်သယ်ဆောင်ရောင်းဝယ် မှုများကို ဖမ်းဆီးဖော်ထုတ်နိုင်မှုတို့နဲ့ ပတ်သက်တဲ့မေးခွန်းကို ပြန်ဖြေရာမှာ ဝန်ကြီး ဦးအုန်းဝင်းက အခုလို ထည့်သွင်း ပြောကြားခဲ့တာပါ။
သတ္တုတွင်းဦးစီးဌာနရဲ့ခွင့်ပြုမိန့်ရလုပ်ကွက်တွေရဲ့ ပုံသေမြေဌားရမ်းခများ ကောက်ခံရာကနေ ၂၀၁၇ ခုနှစ် မတ်လ ၃၁ ရက်နေ့အထိ ဓာတ်သတ္တုထုတ်လုပ်ဖို့ အကြီးစားခွင့်ပြုမိန့်ပေါင်း ၁၅၀ ထဲမှာပါတဲ့ ကုမ္ပဏီ ၄ ခုဆီ ကနေ ကြွေးကျန် ကျပ်သန်ပေါင်း ငါးရာ့ ခြောက်ဆယ်ကျော် ရဖို့ရှိတယ်လို့ ပြောပါတယ်။
ဒါ့အပြင် အသေးစားဓာတ်သတ္တုလုပ်ကွက်ပေါင်း ကိုးရာကျော်အနက် ကုမ္ပဏီ ၆ ခုထံ ကနေ ပုံသေမြေဌားရမ်းခပေး သွင်းဖို့ ကျန်ရှိတဲ့ ကြွေးကျန်မှာ ကျပ် ၆ သန်း နီးပါးရှိကြောင်းလည်း သိရပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ