မတရားဖမ်းဆီးခံရသူတွေ လွတ်မြောက်ဖို့ ပြည်သူနဲ့အတူ တိုက်ပွဲဝင်သွားမယ်လို့ NLD ထုတ်ပြန်

RFA Burmese
2022.12.31
မတရားဖမ်းဆီးခံရသူတွေ လွတ်မြောက်ဖို့ ပြည်သူနဲ့အတူ တိုက်ပွဲဝင်သွားမယ်လို့ NLD ထုတ်ပြန် ရန်ကုန်မြို့ရှိ အမျိုးသားဒီမိုကရေစီအဖွဲ့ချုပ် (NLD) ရုံးရှေ့တွင် စစ်တပ်က အာဏာသိမ်းမှုကို ဆန့်ကျင်သည့် ဆန္ဒပြသူများကို ၂၀၂၁ ခုနှစ် ဖေဖော်ဝါရီလ ၁၅ ရက်နေ့က တွေ့ရစဉ်။
AFP

စစ်ကောင်စီက ဒေါ်အောင်ဆန်းစုကြည်ကို ထောင်ဒဏ် ၇ နှစ် ထပ်မံချမှတ်လိုက်တဲ့အပေါ် အမျိုးသားဒီမိုကရေစီအဖွဲ့ချုပ် NLD က ကန့်ကွက်လိုက်ပြီး မတရားတဲ့ဥပဒေတွေ ချမှတ်နေတဲ့ စစ်ကောင်စီကို ဆက်လက်ဆန့်ကျင်သွားမယ်လို့ ဒီဇင်ဘာ ၃၁ ရက် မနေ့က ကြေညာချက် ထုတ်ပြန်ပါတယ်။

စစ်ကောင်စီရဲ့ တရားသူကြီးဟာ ဥပဒေကို လေးစားလိုက်နာခြင်းမရှိဘူးလို့ ဆိုပါတယ်။ NLD အနေနဲ့ ဖမ်းဆီးခံနေရတဲ့ နိုင်ငံရေးအကျဉ်းသားအားလုံး လွတ်မြောက်ဖို့၊ အာဏာရှင်စနစ် ဖယ်ရှားဖို့နဲ့ အမှန်တရားအတွက် ပြည်သူတွေနဲ့အတူ ပူးပေါင်း တိုက်ပွဲဝင်သွားမယ်လို့ ကြေညာချက်မှာ ဖော်ပြပါတယ်။

ဒေါ်အောင်ဆန်းစုကြည်ဟာ နောက်ဆုံးကျန်ရှိနေတဲ့ အဂတိမှု ၅ မှုအတွက် ဒီဇင်ဘာ ၃၀ ရက် သောကြာနေ့က ထောင်ဒဏ် ၇ နှစ် ထပ်မံချမှတ်ခံရပြီး စစ်ကောင်စီက စွဲဆိုထားတဲ့ စုစုပေါင်း အမှု ၁၉ မှုအတွက် ထောင်ဒဏ် ၃၃ နှစ် ကျခံရဖို့ ရှိနေပါတယ်။

ဒီအမှုတွေထဲမှာ အဂတိမှု၊ ဆက်သွယ်ရေးဥပဒေ၊ ရွေးကောက်ပွဲ တရားမဲ့ပြုကျင့်မှု၊ လျှို့ဝှက်ချက်ပေါက်ကြားမှု၊ ဆူပူအောင် လှုံ့ဆော်မှုတွေ ပါဝင်ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။