အမျိုးသား ဒီမိုကရေစီ အဖွဲ့ချုပ် နိုင်ငံလုံးဆိုင်ရာ ညီလာခံစတင်
2013.03.08
ရန်ကုန်မြို့၊ ဗဟန်းမြို့နယ်၊ တော်ဝင်နှင်းဆီတွင် အမျိုးသားဒီမိုကရေစီအဖွဲ့ချုပ် နိုင်ငံလုံးဆိုင်ရာညီလာခံကို မတ်လ ၈ ရက်နေ့တွင် ကျင်းပခဲ့ရာ အမျိုးသားဒီမိုကရေစီ အဖွဲ့ချုပ် အတွင်းရေးမှူး ဦးဉာဏ်ဝင်းက ပြည်နယ်/တိုင်း အလိုက် ရွေးချယ်ခံရသော ဗဟိုကော်မတီဝင်များစာရင်း ကို ကြေငြာခဲ့စဉ်
အမျိုးသားဒီမိုကရေစီအဖွဲ့ချုပ်ပါတီရဲ့ ပထမဆုံးအကြိမ် နိုင်ငံလုံးဆိုင်ရာညီလာခံကို မတ်လ ၈ ရက် ဒီကနေ့မနက်ပိုင်းက ရန်ကုန်မြို့ ရွှေဂုံတိုင်မှာရှိတဲ့ တော်ဝင်နှင်းဆီခန်းမမှာ စတင်ကျင်းပခဲ့ပါတယ်။
ဒီကနေ့စတင်တဲ့ ညီလာခံကနေ အမျိုးသားဒီမိုကရေစီအဖွဲ့ချုပ်ကို ဦးဆောင်မယ့် ဗဟိုကော်မတီ ၁၂၀ နဲ့ အရန်ကော်မတီ ၃၀ ကို ရွေးချယ်သွားမှာ ဖြစ်တယ်လို့ ပါတီပြောခွင့်ရသူ ဦးအုန်းကြိုင်က RFA ကို ပြောပါတယ်။
ညီလာခံကို မတ်လ ၈ ရက် ဒီကနေ့ကနေ မတ်လ ၁၀ ရက်နေ့အထိ ၃ ရက်ကြာ ကျင်းပမှာဖြစ်ပြီး တိုင်း၊ ပြည်နယ်၊ ခရိုင်တွေက ကိုယ်စားလှယ် စုစုပေါင်း ၉၀၀ခန့် တက်ရောက်နေတာလို့ သိရပါတယ်။
ပါတီဦးဆောင်မှုရွေးချယ်ပွဲကို မြန်မာနိုင်ငံမှာ ဒီမိုကရေစီနည်းလမ်းအကျဆုံး ပါတီကြီးဖြစ်အောင် လုပ်ဆောင်သွားမယ်လို့ သဘာပတိအဖွဲ့နာယက ဦးတင်ဦးက ဒီကနေ့ အခမ်းအနား ဖွင့်ပွဲမှာ ထည့်သွင်း ပြောဆိုခဲ့ပါတယ်။
ဒီညီလာခံကနေ ရွေးချယ်လိုက်တဲ့ ပါတီခေါင်းဆောင်တွေဟာ လာမယ့် ၂၀၁၅ရွေးကောက်ပွဲမှာ ပြည်သူတွေရဲ့ထောက်ခံမှုတွေပိုရလာအောင် ကြိုးပမ်းသွားကြရမယ်လို့လည်း သဘာပတိအဖွဲ့ နာယက ဦးတင်ဦးက ပြောခဲ့ပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ