သာကေတ ညသပိတ်မှာပါဝင်သူတွေ ဖမ်းဆီးပစ်ခတ်ဖြိုခွဲခံရ

2021.03.12
သာကေတ ညသပိတ်မှာပါဝင်သူတွေ ဖမ်းဆီးပစ်ခတ်ဖြိုခွဲခံရ မတ်လ ၁၂ ရက်ညက ရန်ကုန်တိုင်း သာကေတမြို့နယ် ညသပိတ်ကို တွေ့ရစဉ်။။
Photo: Citizen Journalist

ရန်ကုန်တိုင်း သာကေတမြို့နယ်မှာ မတ်လ ၁၂ ရက် ညလယ်က လုံခြုံရေးတပ်ဖွဲ့ဝင်တွေက ပစ်ခတ်ခဲ့တဲ့အတွက် သေကြေဒဏ်ရာရတာတွေ ရှိခဲ့တယ်လို့ မျက်မြင်ကြုံခဲ့တဲ့ ပြည်သူတစ်ဦးက RFA ကို ပြောပါတယ်။

ညသပိတ်မှောက်တဲ့ထဲက လူငယ်သုံးယောက်ကို ဖမ်းဆီးခေါ်ဆောင်သွားတာကြောင့် သူတို့ကိုပြန်ထုတ်ပေးဖို့ မြို့နယ်တွင်းက လူရာပေါင်းများစွာက သာကေတအမှတ် ၁ ရဲစခန်းရှေ့မှာ စုရုံးပြီးတောင်းဆိုကြပါတယ်။

အဲဒီလိုတောင်းဆိုနေစဉ် မြင်တော်သာလမ်းမပေါ်မှာ လုံခြုံရေးတပ်ဖွဲ့ဝင်တွေဘက်က စတင်ပစ်ခတ်ခဲ့လို့ လူအချို့ ကျည်ဆန်ထိမှန်ပြီး ပြင်းပြင်းထန်ထန် ဒဏ်ရာရခဲ့သလို၊ သေဆုံးတာလည်း ရှိတယ်လို့ ကြားသိရကြောင်း သူကပြောပါတယ်။

ပစ်ခတ်မှုကြောင့် လူစုကွဲသွားတဲ့အတွက် သေဆုံးဒဏ်ရာရသူ အရေအတွက်ကို လက်ရှိအချိန်ထိ အတည်မပြုနိုင်သေးပါဘူး။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။