မြစ်ဆုံရေကာတာ ကန့်ကွက်တဲ့ ဆွေးနွေးပွဲ

မိုးညင်း နိုင်ငံသားများကွန်ရက်အဖွဲ့က ကြီးမှူးကျင်းပတဲ့ ဒီဟောပြောပွဲမှာ ကချင်ပြည်နယ်မှာ တည်ဆောက်နေတဲ့ မြစ်ဆုံရေကာတာနဲ့ ပတ်သက်ပြီး အဓိက ဆွေးနွေးခဲ့ကြကြောင်း ဟောပြောပွဲမှာ ပါဝင်တဲ့ ဦးမောင်လှက ပြောပါတယ်။

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ “ဧရာဝတီအတွက် ပန်ကြားချက်” ထွက်ပေါ်လာပြီးနောက် ကချင်ပြည်နယ်အတွင်း တိုင်းပြည် တည်ဆောက်ရေးအတွက် တဘက်တလမ်းက အထောက်အကူ ပြုစေဖို့ ရည်ရွယ်ပြီး ဆွေးနွေးပွဲ ကျင်းပရတာ ဖြစ်တယ်လို့ ပါဝင်ဆွေးနွေးသူတွေက ပြောပါတယ်။

ဒီဟောပြောပွဲကို ကချင်ပြည်နယ်အတွင်းက တိုင်းရင်းသားခေါင်းဆောင်တွေ၊ အမျိုးသား ဒီမိုကရေစီအဖွဲ့ချုပ် ကချင်ပြည်နယ်မြို့နယ် အသီးသီးက ခေါင်းဆောင်တွေ၊ ဖိတ်ကြားထားတဲ့ ဧည့်သည်တွေနဲ့ ပြည်သူတွေ တက်ရောက်ခဲ့ကြတယ်လို့လည်း သိရပါတယ်။