မြန်မာကပေးရမယ့် ကြွေးမြီ ဒေါ်လာ ၅၈၅ သန်း နော်ဝေးနိုင်ငံ အစိုးရက လျော်ပစ်

• 
  2013-02-01

မြန်မာနိုင်ငံက နော်ဝေးနိုင်ငံကို စုစုပေါင်းကြွေးမြီ အမေရိကန်ဒေါ်လာ ၅၈၅ သန်းကျော် ပေးဖို့ရှိပြီး ကြွေးမြီအားလုံးဟာ  နော်ဝေးသင်္ဘောကုမ္ပဏီက တဆင့်ပေးရမှာဖြစ်ပါတယ်။

အခုလို ကြွေးမြီတွေ လျော်ပစ်လိုက်တာနဲ့ ပတ်သက်ပြီး ဒါဟာ နော်ဝေးနိုင်ငံက မြန်မာနိုင်ငံကို ပေးအပ်တဲ့ အကြီးမားဆုံး လက်ဆောင်တစ်ခုဖြစ်ကြောင်းနဲ့ နှစ်နိုင်ငံစလုံးအတွက် သမိုင်းဝင်မှတ်တမ်းတစ်ခုလို့ ဆိုရမှာဖြစ်ကြောင်း နော်ဝေး နိုင်ငံတကာဖွံ့ဖြိုးမှု တိုးတက်ရေး ဝန်ကြီး Holmas က ပြောပါတယ်။

နော်ဝေးအစိုးရဟာ ၁၉၇၆ ခုနှစ် ကနေ ၁၉၈၀ ခုနှစ်အတွင်း နိုင်ငံပေါင်း ၂၁ နိုင်ငံကို သင်္ဘော ၁၅၆ စင်းနဲ့ စက်ပစ္စည်းတွေကို အကြွေးရောင်းချ ပေးခဲ့ပါတယ်။

အဲဒီနောက် အကြွေးပြန်မဆပ်နိုင်ကြတဲ့ နိုင်ငံတွေကို  နော်ဝေးအစိုးရက ၂၀၀၇ ခုနှစ်ကစတင်ပြီး  ဒီကြွေးမြီလျော်ပစ်တဲ့အစီအစဉ် ချမှတ်ခဲ့တာဖြစ်ပါတယ်။